{ SKIP }
文:MenClub 路兒  圖:互聯網
POSTED ON 04 Sep 2017
古語有云,人冇夢想,同條咸魚有咩分別。可惜人總需為口奔馳,夢想兩個字,有幾何能夠當飯食。返咗成個星期工,仲邊有力同隊友練波喎。但有個人,佢雖然只係水喉佬,但就冇放棄到運動員嘅夢想,最近終於成功轉型做運動員。佢就係大家都熟悉嘅:馬里奧。


你以為轉行好難,但雖則做咗幾十年水喉佬,馬里奧都依然努力增值自己,又賽車又打波又踢波。最近任天堂直頭喺官方網站度將佢嘅簡介改埋,講明話佢「以前曾經係個水喉工人」,但依家就「網球、棒球、足球同賽車樣樣皆精」。孖生兄弟Luigi嘅技能亦都同馬里奧一樣,一齊做全能運動員。


原來馬里奧並唔係由《孖寶兄弟》度誕生,而係首先由喺1981年嘅街機GameDonkey Kong》度現身,當時叫做「Jumpman」,係個地盤入面嘅木匠。後來1983年任天堂推出《孖寶兄弟》時,就將Jumpman借咗過去,見大部分場景都係地下,仲換埋人設做做水喉佬。而「馬里奧」Mario仲真有其人,係當年美國任天堂意大利籍房東嘅名。故事話畀我地知,看馬里奧水喉佬都可以變運動員,只要有恆心,肥矮毒都可以踢甲組架!
加入花椒、苦艾酒等辛烈氣味,係咪想切合返北方同胞嗜辣口味呢?
tech
《刺客教條》限量版香水 大陸發售被諷「調味料」?
21 Feb 2018
踏入狗年,終於告一段落,由高等法院頒布清盤令,正式為樂視畫上句號。
tech
樂視被頒令清盤 樂視體育獨立營運
21 Feb 2018