Photos: Wikipedia/WhatsApp

繼早前中國內地VPN服務商先後收檔、微博刪走小熊維尼圖片之後，昨日中午起，WhatsApp喺內地嘅服務疑被封鎖。 

據網民轉述部份在廣東省工作嘅港人表示，今日（19日）凌晨曾短暫成功以內地網絡傳送圖片；另有在滬港人指，只能間歇成功傳送及接受文字訊息，傳片或傳相就肯肯定唔使諗。

中國外交部發言人就話，唔掌握關於通訊軟件嘅情況，發生啲咁嘅事外交部都答你唔到，叫傳媒自己問吓電訊或網絡部門。 

紐約時報（The New York Times）中文網，引述一文要求不具名嘅知情人士指，「中斷WhatsApp的做法是政府發起的」。

係定唔係，你自己諗。

有熟悉內地互聯網發展嘅業界人士認為，臨近「十九大」，WhatsApp難免係「敏感啲」，但佢唔相信因此「永久block咗佢」。 

準備北上幾日嘅巴打，最好有準備，一係貴啲畀漫遊數據，又或者買定張/幾張/一疊Prepaid中港數據卡，費事你Honey或老婆扁咀，你借勢趁亂玩失蹤就另計啦。