Photos: Caviar

美國總統特朗普被指同俄羅斯總統普京「玩得好埋」，「侵侵」日後會唔會周身屎仍是未知數。 

唔少俄國「好友」覺得，有個肯聽普京支笛話嘅美國總統梗係正啦，就算自己有因此有實質「斬鑊」，個心都舒服啲。當然，有啲醒目仔拿拿淋食住個浪想撈一筆。

最近俄羅斯手機製造商Caviar（咳咳！應該話改裝商啱啲喎），推出咗「德國漢堡G20高峰會特別版Nokia 3310」手機，鈦金屬外殼加黃金裝飾（幾多K先？），有埋特朗普同普京嘅側面肖像，但係兩個人都望埋同一面，咁究竟想講乜先？唔通真係侵侵聽晒普京話？機價149,000盧布，即約20,000港元。

我知有好多人係3310粉，但你拎部咁嘅嘢放喺枱，我真係以為你上大陸trip唔見咗手機，臨急臨忙喺啲9 lau舖頭仔買部強國平機頂檔。