Photos: Australian Federal Police/Internet

航拍機入場門檻愈來愈低，總之飛得起，航到幾嘢，又拍到片，仲唔係航拍？！有冇聽過用航拍機求婚，但最終炒機兼撞親人？

其實航拍機都幾啱用嚟「監視」或「反監視」。澳洲聯邦警察（AFP）上周喺墨爾本，搗破一個涉及4名澳洲人、2名加拿大人及1名英國人嘅毒品販賣集團。

該集團以貨船偷運約92公斤重嘅可卡因進入澳洲墨爾本，呢批可卡因分別裝喺3個黑色行李袋，以目前巿價計算，約值3000萬澳元，差唔多1億8千萬港元。

當地警務處處長表示，警方喺監視行動期間，發現該個販毒集團，以航拍機「反監視」，毒販以為「咁樣無人發現」，點知緝毒人員察覺，身邊成日有航拍機跟住，頻密嘅程度令佢哋覺得唔多正常，開始懷疑呢啲航拍機「有古惑」。

「阿蛇」冇向公眾具體講明佢哋點樣拆穿啲航拍機有古惑，可能因為法律原因，又可能費事畀你啲友仔有樣學樣，咁留返畀啲編劇諗諗啦。