{ SKIP }
文:MenClub 玄火  圖:互聯網
POSTED ON 18 Sep 2018

「露背坦胸不自愛/會否等得見未來/女共男/均等競賽」,謝安琪的《祝英台》談的就是兩性平等。

自卑根源

WNBA總決賽落幕,西雅圖風暴隊順著颱風的去勢,以狂風掃落葉之勢,直落3場擊敗華盛頓神秘隊,三度封后,但開香檳慶祝過後,我們更該反思季後賽期間捲起的加薪風波。

WNBA是全球最高水平的籃球聯賽,但女將們所獲得的薪酬待遇,卻令人眼凸口歪,今季工資帽是低到一個點,僅得11萬美元,平均收入等於NBA最低工資的20%。可笑的是,NBA球證年薪都有15萬美元,WNBA冠軍人馬也望塵莫及。

5萬起薪

目前,WNBA球員的起薪點是5萬美元年薪,收入中位數是71635美元,比起歐冠女子聯賽的10萬美元低得多,難怪發展停滯不前,引起多名一線球星,甚至NBA巨星史提芬居里和邦勒占士等現身聲援。

NBA底薪合同是58萬美元,反之炙手可熱的Skylar Diggins-Smith上季區區賺11.5萬美元,今季退役的全明星後衛Lindsay Whelan回歸大學母校任教,收入甚至比球員時代最高薪的合約更高!

NBA勁蝕

運動員生涯短暫,平均WNBA球員只能打5年,人工不似預期,自然要像香港打工仔一樣多做兼職糊口,接近90名球員同時參加海外聯賽,當中不乏一線球星,一年到頭,無假可放,如要打季後賽的話,吊頸都都無氣唞。

同工同酬單純是收支平衡?非也。別以為NBA一定賺大錢,占士同居里先會荷包腫脹,截至20179月,NBA30隊有14隊蝕錢,籃網和活塞最甘,虧損超過4000萬美元,史上沒有WNBA球隊蝕得勁過他們。

收入結界

真正原因是NBA同意把聯盟營業額的50%,攤分給球員作為薪酬,百思不解的是,WNBA只肯拿出20%,也是球員要求增加百分比的原因。其他營運開支去咗邊?可唔可以公開外交代賬目?頭上湧起了黑人問號?

外界只知聯盟每年至少從電視和門票獲得超過5200萬美元收入,當中未計TwitterTidal等主要贊助,問題是WNBA有幾多隊錄得盈利,原來一直是個謎,啲錢好似去咗結界咁,突然間蒸發晒!

同工同酬

女子運動係咪要營業額上升,待遇先可以提高,對唔住,你咁諗就中了老闆的伏喇。BBC統計35項世界主流運動,共有25項是男、女子冠軍獎金平起平坐,獎金分布同入場人數、贊助商是無關係的

網球四大滿貫的獎金是男女平等,但你未必知道,最早實現同工同酬的美網,1973年推出時,女子賽事的收入遠遠被拋離,大可說明有時做人,要講良心,使乜樣樣都計到盡,之所以阿信屋創辦人,唔使用劍一樣可以做到現代羅賓漢。

 

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023