{ SKIP }
文:傑克  圖:互聯網
POSTED ON 30 Jun 2018

人生匆匆幾十年,有甚麼開心得過身處感興趣的行業,每日寓工作於快樂,開心地賺錢?但係,試問又有幾多打工仔能夠做到真心想做的行業呢?人浮於事,有時只好馬死落地行,若非心所愛,都要做住先。話得說回頭,所謂唔滾唔知身體好,大家唔努力爭取過,又點知自己唔得呢?

努力學習行業知識

想加入感興趣的行業,最基本要準備的,當然是努力學習該行業會認用到的知識。即是想做IT,無理由自己唔先去學電腦;想做保險,應該了解業界規條,考番個牌照;想做演員做歌手,去學做戲學唱歌也是必須吧。每日只呆坐公司,然後怨自己沒有機會,是抵死的!

透徹認識行業發展及工作範圍

想加入感興趣的行業,也要好好了解行業的發展趨勢,例如有甚麼渠道入行、有甚麼工作崗位適合自己,以致行業未來的走向等,愈是對行業了解愈深,當機會來臨時,就更有把握捉緊。而其實,了解行業狀況,才會清楚知道幾時有機會出現,加入相關行業的社交組織、follow相關公司的fanpage等,是基本要做的事。

不斷自薦爭取入行機會

預期等人家招聘,更實際的做法是主動出擊,自薦爭取入行機會。特別是藝術相關行業如設計、拍片、文字工作一類,毋須等公司請人,應該自己多拍多畫多寫,然後將作品送去各大相關公司,一次冇回應就兩次、三次、四次……不斷嘗試才有機會!

別介意由低做起

對於已經工作了一段時間的打工仔來說,突然轉行業,難免人工會少一截,身份低一截,是一個不易衝破的心理關口。但細心想想,只要加入感興趣的行業,自然會有工作熱誠與動力,有能者一定有突圍的機會,所以別介意轉行業時要先由低做起,唔好理咁多,入左行先算!

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023