{ SKIP }
文:傑克  圖:互聯網
POSTED ON 11 Apr 2018
身為子女,真係好想長大後能夠好好孝順父母,以報答他們的養育之恩,而如果搵到個錢,更樂意用錢來孝敬父母,讓他們下半生能夠生活得舒適愉快。但這不代表買間大屋俾父母住、個個月俾幾萬銀佢地用就叫做孝順,用錢孝順都要用得其所。
一齊住
買間大屋俾父母住,是大部份人以為是孝順父母的最佳辦法。但父母真正的快樂是源自與子女相處,他們寧願住細屋,也希望與子女日日見面,所以,有能力置業者,盡可能不要撇低父母,即使年輕人想獨立自住,但父母其實不介意子女早出晚歸,起碼可以留啖湯給子女飲,繼續留守子女身邊照顧。
一齊旅行
可是,買樓只是年輕人的幻想,一二百呎都買唔起,莫講話買三四百呎可以與父母同住。沒錢置業,也可以一年與父母一起去一次旅行,近近地三兩日去日本、泰國或台灣,父母都會喜上眉梢。因為上一代的物質生活不富裕,去旅行是奢侈活動,父母可能大半生只去過內地,有機會出外睇睇世界,已夠開心,而有子女同行,既可享受難得與子女的相處時光,又有子女在旁照顧,不怕人生路不熟,安全感倍增。
成家立室
子女成年後也需要努力為事業拚命,與父母的相處時間難免會減少。作為父母,最開心時刻莫過於見到子女成家立室,建立家庭,飲新抱茶或女婿茶,堪稱人生最快樂的一刻,真的覺得子女已經長大,能夠照顧自己,而且,子女結婚,也代表抱孫有望,成為祖父祖母,也是父母其中一個心願呢!
 
冇欠債
所謂養兒一百歲,長憂九十九,細時擔心子女讀書唔成,練精學壞,到子女成長了,又怕他們生活艱難,行差踏錯。搵唔到很多錢孝順父母,也不打緊,因為最基本孝順父母的方法,不一定是個個月俾幾多錢家用,其實只要子女沒有欠下周身債,要父母代為償還,又或是生活費月月清,經常要父母接濟,只要毋須父母再擔心,好好處理自己的生活,這已是對父母非常孝順了!
各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023