{ SKIP }
文:傑克  圖:互聯網
POSTED ON 13 Dec 2017
拍拖好,三五知己相聚好,或者一家大細活動也好,入戲院睇戲都係一個唔錯的選擇。但隨著戲飛價格不斷調升,現在睇套戲也動輒成舊水,難怪好多人已放棄入戲院睇戲,寧願在收費電視或網上租看,但戲院給觀眾的大銀幕享受,又確係在家中難以感受,這樣的話,不妨試用各種睇戲慳錢招數。
現場購票
現今世代做甚麼事都上網,上網買戲飛也成為習慣,免卻即場爆滿買不到飛的麻煩。但上網買飛一般都會收手續費,而且係逐張計,即係愈多人一齊睇,手續費就愈貴!其實花點時間,提早兩日到戲院門外購票,既可避免即場爆滿問題,又可省回大筆手續費,何樂而不為。
揀平戲院
如果真係冇時間提前到戲院購票,咁都可以選擇一些非旺區戲院,這些位置點較為偏僻的戲院,一般票價都較旺區如銅鑼灣、尖沙咀、旺角等便宜,例如鴨脷洲、柴灣、九龍灣、元朗、屯門等區份,這幾區的戲院票價比起旺區的,可以平三四成架!
 
睇早場
睇戲點解一定要晚上睇?很多戲院都有提供早場優惠,晨早相約女朋友或一家大細睇早場作為一日的活動開始,其實是個很好的選擇,剛剛睡醒精神奕奕,睇戲時都特別專注,不會睡著呢。
揀2D版
自從3D電影盛行,好像什麼電影都要製作3D版,乘機提高票價掠水,其實3D呢家野試過已足夠,一套電影好看與否,根本與2D或3D無關,最緊要劇本寫得好,演員做得好,既然如此,真係冇必要花錢睇貴價3D戲。
入電影會
睇場戲,都係求開心,唔想左計右計,又要提早買飛又要計時間又要計地點又要計版本,fine,咁不如加入各大院線的電影會吧。迎新禮物已有戲飛贈送,之後買飛又有折扣兼可以儲分,省錢之餘又唔算好煩。
參加menclub送戲飛遊戲
有什麼好得過唔使錢都可以入戲院睇好戲?meuclub周不時都有換票證送予網友,大家只要緊貼menclub,參加遊戲,睇戲原來可以是零消費的活動呢!
但怎樣才知道上司有沒有料呢?如果上司經常將以下說話掛在口邊,就暴露了他無料扮四條。
powerandmoney
無料上司常說的話
20 Apr 2018
社交網站的蓬勃發展,造就全人類連成一線,facebook、IG、微博等地方,成為有錢人瘋狂炫富的舞台。有錢當然可以狂曬奢華生活、酒池肉林,贏盡網民又羨又妒,但我們此等凡人,又何來豐富身家炫耀?其實冇錢曬命,凡人 ...
powerandmoney
【四大途徑】另類炫富的技巧
19 Apr 2018