升市蝕錢的原因

文：傑克　　圖：互聯網
POSTED ON 24 Nov 2017

30000點！升下升下，港股終於繼2007年後，再現30000點盛況。恒生指數創十年新高，股王騰訊勇破400元，散戶、股民理應皆大歡喜，開開心心笑著數錢，準備大肆慶祝。但如果在這個大牛市當中，閣下的投資不但沒有大賺特賺，反而蝕錢蝕到喊咁口，咁就真係要檢討一下，為何大升市都會蝕錢呢？

眼光差市況大升，代表很多大藍籌、熱門恒指成份股都節節向上，此等股票一般都流通量高、為人所熟悉，真係是但買一隻都有錢賺，只係視乎賺多賺少而已。但如果在如此全面的升市底下，閣下持股竟然不升反跌，代表閣下的投資眼光極有問題，而且明知持股逆市下跌乃弱勢表現，依然故我不肯換馬，更反映閣下投資功力及心理質素仍處於初階，大升市都買錯跌勢股，真係要好好從頭開始學習。
包拗頸人性其中一個奇怪的想法，就是包拗頸，當大市不斷向上，正常股民的思維都傾向覺得一定會回調，於是會嘗試在高位估跌，買入牛熊、窩輪等洐生工具，結果常常贏粒糖卻輸間廠，愈輸就愈覺得不值，不斷逆水行舟，硬係要估跌，結果輸完一次又一次，大市都未升到頂，他們已輸掉了身家。

頻換馬市況大升，股民炒得不亦樂乎，這隻股票賺了，但眼見另一隻升得仲勁，又心思思換馬，誰知換馬後又發現另一隻才是駿馬，又急急落馬再上馬，出出入入，買買賣賣，不計換馬後的升升跌跌，純粹計手續費都唔好襟計。其實買中一隻好股，只須乖乖持貨等收成，就已經是最大筆的盈利了。
股民普遍都覺得，熊市蝕錢甚至輸掉成副身家，也不算慘，因為可以歸咎於於市況不濟，況且人人都蝕，唔覺得自己有什麼問題。但牛市都蝕錢，哪管是只是輕微損傷，都特別覺得傷痛與不忿，因為在牛市時，連師奶散戶也賺錢，蝕錢實在是反映自己能力之弱，但願在升市蝕緊錢的每一位，能夠好好從錯誤中吸取經驗，在哪裡跌低，就在哪裡爬起身！

COMMENT

< PREVIOUS

Jennifer Lawrence回歸單身!

2017-11-23

NEXT >

【玩大左？】羅賓奴被判強姦罪成，如返意大利將監禁9年！

2017-11-24

SOMETHING NEW

各位千禧世代（80及90後）嘅網友又認唔認同？

powerandmoney

【美國調查】千禧世代認為年薪超過400萬港元才能「感到快樂」

23 Nov 2023

作為日本最大遊戲、主機開發商，任天堂素來都係日本年輕人最想加入嘅企業之一，而從其最新公佈嘅數字黎睇，任天堂內部似乎都真係一個「天堂」，事關其新入職社員嘅離職率僅低至1.2%，絕大部份人入到去就唔願走！ ...

powerandmoney

【電玩】任天堂真係天堂？員工三年離職率僅1.2% 大幅拋離其他日企

15 Sep 2023

SOMETHING YOU LIKE

30000點！升下升下，港股終於繼2007年後，再現30000點盛況。恒生指數創十年新高，股王騰訊勇破400元，散戶、股民理應皆大歡喜，開開心心笑著數錢，準備大肆慶祝。但如果在這個大牛市當中，閣下的投資不但沒有大賺特賺，反而蝕錢蝕到喊咁口，咁就真係要檢討一下，為何大升市都會蝕錢呢？

眼光差市況大升，代表很多大藍籌、熱門恒指成份股都節節向上，此等股票一般都流通量高、為人所熟悉，真係是但買一隻都有錢賺，只係視乎賺多賺少而已。但如果在如此全面的升市底下，閣下持股竟然不升反跌，代表閣下的投資眼光極有問題，而且明知持股逆市下跌乃弱勢表現，依然故我不肯換馬，更反映閣下投資功力及心理質素仍處於初階，大升市都買錯跌勢股，真係要好好從頭開始學習。
包拗頸人性其中一個奇怪的想法，就是包拗頸，當大市不斷向上，正常股民的思維都傾向覺得一定會回調，於是會嘗試在高位估跌，買入牛熊、窩輪等洐生工具，結果常常贏粒糖卻輸間廠，愈輸就愈覺得不值，不斷逆水行舟，硬係要估跌，結果輸完一次又一次，大市都未升到頂，他們已輸掉了身家。

頻換馬市況大升，股民炒得不亦樂乎，這隻股票賺了，但眼見另一隻升得仲勁，又心思思換馬，誰知換馬後又發現另一隻才是駿馬，又急急落馬再上馬，出出入入，買買賣賣，不計換馬後的升升跌跌，純粹計手續費都唔好襟計。其實買中一隻好股，只須乖乖持貨等收成，就已經是最大筆的盈利了。
股民普遍都覺得，熊市蝕錢甚至輸掉成副身家，也不算慘，因為可以歸咎於於市況不濟，況且人人都蝕，唔覺得自己有什麼問題。但牛市都蝕錢，哪管是只是輕微損傷，都特別覺得傷痛與不忿，因為在牛市時，連師奶散戶也賺錢，蝕錢實在是反映自己能力之弱，但願在升市蝕緊錢的每一位，能夠好好從錯誤中吸取經驗，在哪裡跌低，就在哪裡爬起身！