{ SKIP }
文:傑克  圖:互聯網
POSTED ON 30 Oct 2017
個個都要返工,個個都想返工咩?在人人都不願工作的時候,如果你能夠戰勝心魔,嘗試喜愛自己的工作,放低享樂主義,將自己打造成神奇、頂級、超卓的員工,你的前途,將會一片光明!
而一個優秀員工,必須具備以下條件:
 
忠誠又肯進諫
服從、忠心、守規、聽教聽話,都是好員工的基本條件,起碼唔會做二五仔出賣公司。但忠誠不足夠,優秀員工不會愚忠,遇到不公平政策,或覺得上司處事有錯,會夠膽行出來說公道話,寧死也要進諫。
團結同事士氣
大部份工作都需要team work,每個崗位的同事互相合作,發揮協同效應,才能做到最大成效。優秀員工不會留難同事,也不會破壞團隊士氣,就算與部份同事合作不來,也會盡量協調,而不會只顧自己而致公司利益於不顧。
積極提出改革
員工留守崗位太耐,就會墮進安全圈,每日做好相同的事,一年容易又中秋。但要讓公司持續發展,優秀員工就要懂得不時自我檢討兼為公司檢討,提出改革建議,有時建議未必係好橋,但沒有第一個人行出來話要改革,公司沒有追求進步的轉捩點,遲早被時代淘汰。
同享豐功偉業
優秀員工不會獨攬大權、獨享榮譽,反喜歡眾樂樂,有功勞齊齊領,有獎金齊齊賺,這樣才能留到真正做到事的人才,一間公司最大資產就是人才,一位優秀員工難以打天下,但成間公司都是優秀員工,則可享半壁江山。
不會遺留麻煩
人望高處乃人之常情,頂級卓越的優秀員工,未必一定會甘心屈就於淺水,有雄心壯志的人始終有一天要振翅高飛,但優秀員工不會隨便一走了之,離開前定必做好善後工作,將自己的工作安排妥當,令到接手人能夠快速上手,不會為公司製造任何麻煩。
各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023