上星期Apple最新推出嘅iPhone Xs及iPhone Xs Max喺全球各地正式開賣，平時抽開水嘅三星今次就無咩小動作，反而華為喺部分國家向排隊買iPhone嘅人派發手提充電器及果汁，暗串iPhone電續航力唔及華為手機。

喺新iPhone發售當日，華為喺部分國家嘅iPhone Xs及iPhone Xs Max發售現場派出寫住「Get ju%ce that lasts」嘅車輛，向排隊買新iPhone嘅一眾果粉派發手提充電器及果汁，意思係華為有更持久嘅手機續航能力。

目前，中國嘅華為超過Apple成為咗全球市佔率第二大嘅智慧型手機製造商，不過喺貴價智慧手機市場佔有率上，Apple佔有43%，而華為只有9%，難怪Apple一出旗艦機華為就多多動作。

來源：CNET