要數上個星期潮界大事，一定非Supreme開季莫屬，緊接紐約、洛杉磯及其餘歐洲專門店開售，Supreme日本各大專門店亦於上週六（2月17日）開季！貴為駐日編集者的我，亦於開季當日早上到位於東京渋谷的分店，為大家直擊當日開季實況！

其實早於開季前一天晚上（即2月16日）8點左右，我亦有到渋谷分店視察當時環境，當時店外水靜蛾飛人影都冇隻，不過當我在開季當日早上8時再次到達店外，人龍經已由店外延伸至500米外位置，大量Supreme信徒更以Full Gear造型迎接最新一季，其後至下午2點左右依然有接近150人在人龍中苦等，實在有夠誇張！