{ SKIP }
文:MenClub 魏文青  
POSTED ON 13 Mar 2018
李小龍唔單止係一位武術家、一位動作巨星,對好多人黎講佢更加係一個傳奇,代表住一種令人向往精神。鏡頭前或者舞台上嘅李小龍大家非常熟悉,但私底下嘅佢究竟係一個點樣嘅人?大家認識嘅「李小龍」又係點鍊成的?

美國「陸榮昌亞洲博物館」致力保存亞洲人士於美國嘅文化、藝術、歷史,黎緊佢哋就會舉行以李小龍為主題嘅展覽,當中更會展出多張少有曝光嘅李小龍生活照,令大家更為了解呢為傳奇嘅日常生活。據博物館嘅資料,李小龍非常著重身心的平衡,每日除咗會花4.5小時作體能訓練,仲會預留6小時作冥想、閱讀及寫作,剩餘嘅時間就用於家人及朋友身上。鏡頭前的李小龍極有自信、甚至有啲自大,私底下嘅佢除咗對武術著迷,對營養學、政治、精神哲學等題目亦有興趣。他會寫詩、會寫信、極為溺愛自己嘅小朋友,而且鍾意食蠔油炒牛肉。

1959年春天,年僅18歲的李小龍由香港遠赴美國發展,第一個踏足嘅地方就係西雅圖。當時嘅佢除咗要爭取演出機會,更要面對種族問題。據博物館負責人Margaret Su所講,由於李小龍嘅混血血統(母親何愛瑜為歐亞混血兒),導致個樣「鬼鬼地」嘅佢喺香港不被接納,去到當年種族歧視問題嚴重嘅美國,人哋又當佢亞洲人看待。或者因為咁,李小龍不視「種族」為障礙。佢第一個學生是一位黑人朋友Jesse Glover;他太太是白人Linda Emery;他的武館不問種族地開班授徒,甚至相傳有其他華人武術老師就收取非華人學生而與李小龍決鬥——最後李小龍用三分鐘令對手投降。


可惜嘅係當年荷里活對待不同種族人士時就冇佢咁平等。即使憑《青蜂俠》一舉成名,荷里活依舊冇信心畀李小龍——一位有口音嘅亞洲男演員——擔正成為男主角。最後促成李小龍回港與嘉禾合作,拍出《唐山大兄》、《精武門》、《猛龍過江》等經典電影,李小龍亦大量參與幕後製作,殿定獨特的電影風格。最後終於吸引當年曾放棄佢嘅Warner Bro.與其合作,拍出第一部「荷里活製作」《龍爭虎鬥》。但最終李小龍未有機會親眼見到自己嘅電影於美國上映——在預定上映期6日前的1973年7月20日,李小龍於香港猝逝。
「陸榮昌亞洲博物館」將於3月10日起至2019年舉行李小龍《A Dragon Lives Here》展覽,集中講述李小龍與西雅圖的故事。負責人Margaret Su指除咗武術,李小龍仲有好多嘢值得大家學習。「他希望大家透過忠實地發展自己的潛能來展現自我,他用的方法是武術,但他不想大家去模仿他,而是要找屬於自己的路。我們希望透過展覽,能令大家知道每個人都可以通過以最自我的方式來生活,來令自己有所作為。」
Timeline
 
如果你係《七大罪》嘅粉絲,嚟緊又會去東京的話,就唔好錯過!
hobby
《七大罪》粉絲注意!期間限定咖啡廳「豬帽子亭」正式開張! ...
20 Aug 2018
最強加最強 = 統治力!
hobby
【無敵】杜克大學一年級最強組合屈爆NCAA機!
17 Aug 2018