{ SKIP }
文:MenClub 波特先生  圖:互聯網
POSTED ON 12 Mar 2018

近日香港籃球界有一個傳聞,就係一名前NBA球星將會加盟本港嘅甲二球隊,而呢位球員更加係一名NBA兩屆總冠軍成員,如果傳聞屬實呢位球員相信會成為香港史上最大牌嘅球員。

消息指,呢位NBA兩冠成員就係前湖人中鋒Andrew Bynum,亦即係Kobe Bryant嘅前隊友,而佢可能會加盟嘅係甲二球隊建龍。據某位香港甲一球員透露,Bynum加盟香港聯賽嘅可信性都幾高,再加上建龍隊嘅內部人士好似已經確認呢個消息,睇黎應該消息都幾堅!
現年30歲嘅Bynum,曾經係NBA最出色嘅中鋒之一,但因為傷患而好快殞落,2014年已經絕跡NBA。不過巔峰期嘅Bynum可以話係Kobe嘅好幫手,佢曾協助湖人及Kobe奪得2009及2010年兩屆NBA總冠軍,當年嘅實力絕對唔講得少。而2012年更加係佢個人生涯嘅巔峰期,佢喺常規賽場均拎到18.7分11.8籃板,因此成功進入該年嘅全明星陣容。
Bynum雖然因傷而實力大減,但佢仍然有7呎嘅身高,再加上曾經達到NBA級別嘅技術,要想喺香港聯賽幹一番事業相信絕對不成問題,甚至可能會成為場上Bug級別嘅存在!
唔知Bynum加盟甲二,會唔會令你即刻有衝動去支持香港嘅籃球呢?
冰島真係好熱血呀!!
hobby
【好熱血!】冰島大戰阿根廷當地收視達99.6%!
19 Jun 2018
真係「有志者鄧竟成」!
hobby
【Wow!】唔使一年,Mike Bibby化身大隻佬!
18 Jun 2018