{ SKIP }
文:MenClub 波特先生  圖:互聯網
POSTED ON 08 Mar 2018

曾經,NBA曾有一段時間准許美國高中生球員直接跳過大學進入NBA,但直到2005-06球季這個情況被取消了,取而代之嘅係高中生球員一係要年滿19歲,一係就要高中畢業後一年先可以參加NBA選秀大會。呢個決定令高中球員基本上都會選擇進入大學,而此舉嘅目的就係令年輕球員可以先嘗試最接近NBA嘅舞台,從而提升個人技術及戰術修養,同時亦都令NBA球隊方面有住更多球員數據去選擇呢班新人,更重要嘅係可以確保NCAA嘅收視率。

不過,NCAA近日卻不斷爆出有關賄賂球員嘅消息,呢一個情況完全失去當日要求球員先進入大學一年嘅初衷。因此,就有消息指NBA總裁Adam Silver今季開始有意重新推出高中生跳級進入NBA的規條。
對於有番咁上下資歷嘅球迷黎講,高中跳級至NBA嘅球員一啲都唔陌生,遠少少嘅有Kobe Bryant、Tracy McGrady、Kevin Garnett、Jermaine O'Neal、Amar'e Stoudemire等,近少少甚至宜家都打緊嘅就有LeBron James、Dwight Howard、J.R. Smith、Lou Williams等。
當然撇除以上呢啲名字響噹噹嘅高中生球星,其實有唔少高中跳級入NBA嘅球員完全無晒影,就好似2004年首輪第13順位及第19順位新秀Sebastian Telfair及Dorell Wright、2005年首輪第6順位新秀Martell Webster等等,佢地進入NBA後都難以搵到自己嘅定位,最終好快喺呢個聯盟消息。
不過雖然係咁,但比高中生跳級進入NBA其實亦都有好多好處,因為球員唔使特意再喺NCAA浪費一年時間,因為基本上宜家唔少球員都只喺會喺大學留一年,然後就會進入NBA。況且如果球員已經成年,並認為自己準備好進入NBA,你亦無理由要困他一年吧,就好似被認為係來年選秀狀元嘅Zion Williamson,人稱「LeBron二世」嘅佢目前基本上已經擁有打NBA嘅體格,如果比佢好似LeBron咁提前進入聯盟,等佢進一步適應及體驗其實比佢加盟NCAA更加好。
睇下Kobe、KG、LeBron等高中生球員,佢地雖然無入過大學,但喺NBA卻搵到自己嘅道路,並成為傳奇球員,所以重新放寬規則對NBA黎講將會得到更具活力嘅球員,呢一點球迷們都一定樂於見到!
冰島真係好熱血呀!!
hobby
【好熱血!】冰島大戰阿根廷當地收視達99.6%!
19 Jun 2018
真係「有志者鄧竟成」!
hobby
【Wow!】唔使一年,Mike Bibby化身大隻佬!
18 Jun 2018