{ SKIP }
文:MenClub 魏文青  
POSTED ON 13 Mar 2018
如果我同你講有隻日本H Game出週邊,正路去諗都係出啲咩胸部滑鼠墊、等身大攬枕套諸如此類,就算係出模型都一定係「肉色部份太多」,啲衫仲可以剝出黎。但如果我話你知某隻H Game出咗隻週邊模型,唔單止完全冇肉色部份,而且根本睇唔出係女角,整鬼佢仲好有型,你又信唔信?

由Nitroplus推出嘅「可動劔冑<壱> 三世勢州千子右衛門尉村正」係來其旗下H Game名作《装甲悪鬼村正 》,「三世勢州千子右衛門尉村正」就係女主角之一,簡稱「三世村正」。遊戲中設定佢為「劔胄」,即係平時係黑皮膚白髮、身材豐滿妖艷嘅人類,但戰鬥時會成為一套深紅色妖甲。今次推出嘅模型就係佢嘅妖甲模式。由負責原作CG嘅栗原直昌負責製作,從官方圖片可以見到全高23cm嘅模型充滿細節與厚重感,亦能展現妖甲嘅氣勢,水平相當高。

不過要注意嘅係發售其實係未上色嘅,換言之如果你想擁有一部如圖一樣咁有型嘅妖甲,除咗付出29160Yen(約2130HKD)之外,仲要另外花費無數心血精神時間去上色。值唔值就由你自己決定啦。
Nitroplus
如果你係《七大罪》嘅粉絲,嚟緊又會去東京的話,就唔好錯過!
hobby
《七大罪》粉絲注意!期間限定咖啡廳「豬帽子亭」正式開張! ...
20 Aug 2018
最強加最強 = 統治力!
hobby
【無敵】杜克大學一年級最強組合屈爆NCAA機!
17 Aug 2018