{ SKIP }
文:MenClub 魏文青  
POSTED ON 14 Feb 2018
今日就係情人節,所謂街裏愛人一對對,單身人士咪出去,所以「單身狗」如你同我都係留喺屋企打「芒亨」算。但有時撳下Facebook、IG,發現你個EX同新歡甜甜蜜蜜又真係火都黎。唔緊要,我介紹你去一個有靚女、有免費嘢食、仲可以向前度出返啖氣嘅地方——Hooters!

係,香港嗰間「波霸餐廳」的確係有啲貨不對辦,而且最近又被人追租,但喺美國老家嘅Hooters其實都表現唔錯。深明自己主要客群係一班單身麻甩佬嘅佢哋更喺情人節推出特別活動,只要你帶埋前度嘅相去任何一間Hooters分店(美國分店呀下講到明),買十隻雞翼,再即場撕碎前度張相,你就可以免費再獲得十隻雞翼。如果你連街都唔想出,仲可以上網做,完成後就可以收到優惠券啦。

咁做唔單止可以食免費雞…翼,仲可以喺Hooters欣賞下佢哋嘅靚女侍應,仲可以向前度出氣(雖然佢唔會知),真係一王三后…I mean一石三鳥呀!

今年已經係美國Hooters第三年舉辦同類活動,而前兩年Hooters總共送出超過54000份雞翼,睇黎美國都真係有唔少人對前度充滿怨恨呀下。不過要拎到呢十隻雞翼,首先你要有個EX,對於一班「A0(Available,0次經驗)」黎講又係一件傷心事——唔知我是但究竟上網搵張女相去得唔得呢?

hooters on Instagram

Hooters.com

【影音入門】點能夠讓iPhone播放Hi-Res高解析度音樂 ? 蘋果iphone一路以來都係香港最多人用的手機都應沒有之一,但眾所周知,蘋果是一個封閉型系統,只能跟住佢玩法,要突破總要用點小方法。假如你想在iphone ...
hobby
【影音入門】點能夠讓iPhone播放Hi-Res高解析度音樂 ?(上)
21 Aug 2018
夏薩特續唔續約好呢?
hobby
【盡力留人】車路士有意30萬鎊週薪續約夏神!
21 Aug 2018