{ SKIP }
文:MenClub 波特先生  圖:互聯網
POSTED ON 07 Feb 2018

即將迎來畢業嘅美國高中籃球員,近期開始陸逐宣佈今夏會加入邊一間大學,而最勁爆嘅消息係排名全美前三嘅高中球員竟然咁岩一齊決定加入杜克大學,令呢間傳統籃球名校真係開心死。不過,近日一場高中籃球賽事卻發生一件暴力事件,情況都幾嚴重。

呢場比賽係由布里奇波特鬥牛犬隊對上韋爾頓聖母隊的,其中從影片中可以睇到黑衫4號球員雖然喺攻守變換之下未能快攻得分,但其後佢憑住個人突破成功上籃得手。不過,就喺佢成功得分後,呢位黑衫球員竟然挑釁對方球員,用身體撞上對方,雖然睇唔到佢有無同對方講啲咩,但係都幾肯定佢會講垃圾話。
 
可以想像得到,這名黑衫4號口中所說嘅垃圾話一定唔會好聽,因此該名被挑釁嘅白衫球員立刻回應,佢先用身體將對方撞開,然後當對方轉身面向佢嘅時候,佢再接施以一記右勾拳完全擊中對方嘅下顎,對方亦即時倒地無晒知覺。
其後,裁判、球員及教練團亦即時衝過去阻止,而被擊倒嘅黑衫4號就被送入醫院,經檢查後證實佢出現腦震盪及下顎被打至骨折。

今次高中生暴力事件,唔知關唔關近期NBA亦越黎越多喺場上發生揮拳事件,其中包括:Serge Ibaka同James Johnson、Arron Afflalo同Nemanja Bjelica等等。對於唔少球迷黎講,能夠睇到好似8、90年代嘅NBA激烈程度係好興奮,但係如果導致年輕球員有樣學樣,就可能帶黎負面效果。
【影音入門】點能夠讓iPhone播放Hi-Res高解析度音樂 ? 蘋果iphone一路以來都係香港最多人用的手機都應沒有之一,但眾所周知,蘋果是一個封閉型系統,只能跟住佢玩法,要突破總要用點小方法。假如你想在iphone ...
hobby
【影音入門】點能夠讓iPhone播放Hi-Res高解析度音樂 ?(上)
21 Aug 2018
夏薩特續唔續約好呢?
hobby
【盡力留人】車路士有意30萬鎊週薪續約夏神!
21 Aug 2018