{ SKIP }
文:MenClub 波特先生  圖:互聯網
POSTED ON 23 Jan 2018

C朗拿度喺岩岩面對拉科魯尼亞嘅比賽入面,成功個人梅開二度,但就喺比賽84分鐘以頭搥攻入皇馬第6個入球嘅時候,卻因為被對方防守球員嘅鞋釘踢中眼角,導致血流披面,其後C朗用手機檢查傷勢嘅時候亦擰擰頭表達對受傷唔太高興。

賽後,C朗拿度喺醫療室接受醫護人員止血及檢查,可以睇得出雖然受傷流血,但係呢位5屆金球獎得主仍然非常冷靜,完全唔將受傷放在眼內。

不過,喺醫護人員幫佢完成治血後,就可以睇到佢受傷嘅位置其實非常接近其左眼,如果再過多少少隨時鞋釘就會踢盲C朗。而就算宜家只係皮外傷,但係亦都睇到左眼角位置有一條非常深嘅傷痕。
據報導指,最終醫護人員幫C朗縫左2-3針,而佢亦都無咩大礙,相信唔使幾耐佢就會完全無事,而就算未好番晒佢亦都一定會繼續落場比賽的。
相較過去幾季,C朗拿度嘅狀態明顯有一個顯著嘅下跌,雖然喺歐聯佢仍然憑住9個入球暫列神射手,但係喺聯賽卻一度陷入入球荒,就算加上岩岩攻入嘅兩個入球,佢至今喺15場西甲就只係攻入6球,要知道美斯今季喺西甲已經攻入19球。C朗喺聯賽嘅低迷亦直接影響住皇馬嘅成績,目前皇馬只係以35分排名聯賽第四位,同榜首嘅巴塞足足相差19分。
不過以C朗嘅性格佢當然唔會認輸,而目前皇馬有巴利復出,狀態有上升趨勢,雖然西甲應該難以從後趕上,但再一次衝冕歐聯冠軍相信係球隊目前嘅主要目標。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024