{ SKIP }
文:MenClub 魏文青  
POSTED ON 12 Mar 2018
作為一個「他看戲也一個人看 他放假也一個人放」嘅獨L,好多時都會自己一個去食飯、去Coffee Shop坐,但萬一Set好哂個陣先發現要去廁所,或者要離開個位拎嘢食,冇人睇住啲貴重物件仲係令人唔多放心。同樣嘅情況唔少日本人都遇到,於是就有人推出一個名為「TRENE」嘅看守小裝置。

「TRENE(日文讀音係「To-Re-Ne」)」外表睇落似一個紙鎮,但內置一個加速規。用法方面好簡單,首先以藍芽將TRENE同你部電話連接,離席時再將TRENE放喺貴重物品(如電腦)之上,TRENE會自動以藍芽連接斷定你是否已經離開座位,如果斷定你已離開座位,而又監測到自己版移動(即有人試圖移動你嘅物品),佢就會發出警告音,頂部嘅LED燈亦會閃爍作出警示,直到佢再次連上你部電話為止。

雖然唔能夠完全防止自己財物被拎走(即係要偷其實就一定偷到),目前亦不支援直接推送警告到電話,而且因為唔防塵唔防水,所以亦唔建議於戶外使用,但TRENE亦不失為一個唔錯嘅阻嚇方法,早鳥價賣6610Yen(約460HKD)亦唔算貴。對於經常獨自出外做嘢嘅人黎講應該非常吸引。難怪於日本眾籌網上已經籌到超過500萬Yen啦。

最後提提大家,日本眾籌都有風險架,大家小心選擇先好落單呀。

Makuake
C朗認為艾殊利高爾係其生涯最難應付嘅後衛!
hobby
【最強對手】C朗拿度點出生涯最難應付後衛 - 艾殊利高爾
25 May 2018
其中一間大家都有食過架!
hobby
三日三餐壽司 碧咸父子去日本食咩?
25 May 2018