{ SKIP }
文:MenClub 波特先生  圖:互聯網
POSTED ON 20 Oct 2017

尋日係NBA新球季嘅第二個比賽日,籃網作容出戰溜馬,雙方大打進攻籃球,其中林書豪表現不俗,但佢卻喺比賽最後階段一次突破上籃落地嘅時候不幸受傷。賽後經過隊醫檢查後,籃網官方確認林書豪髕骨韌帶撕裂,今個球季宣佈報銷。

喺第4節最後4分幾鐘嘅時候,林書豪利用速度突破上籃,但喺落地嘅時候右腳明顯承受左唔少衝力,最終佢跌喺場邊並掩住自己嘅右膝,目無表情咁講左幾次:「我玩完了,我玩完了....」然後就伏喺地上痛哭,可以睇得出佢知道自己今次受傷應該唔輕,場面令人痛心。
受傷後林書豪被送去進行檢查,黎到今日籃網官方確認呢位華人控衛係髕骨韌帶撕裂,今季將唔能夠再上陣,對此林書豪雖然感到失望,但其後佢喺自己嘅Twitter上發佈訊息表示:「神總是信實的,他掌管一切。」睇黎佢都接受呢個現實,心情並無特別激動。

髕骨韌帶係一條比膝蓋能夠伸直嘅韌帶,喺正膝頭正前方,係一條非常重要嘅韌帶。今次林書豪髕骨韌帶受傷,未來好可能令到佢好多動作都做唔到,對比起十字韌帶受傷情況可以話有過之而無不及,預計以爆發力及速度見稱嘅林書豪即使康復,其威力可能亦只得番6-7成,實在令人感到可惜。
今個夏天,籃網留住林書豪繼續作為球隊核心,並透過交易成功得到D’Angelo Russell呢位攻擊力不俗嘅年輕球員,外界預計喺佢地兩位嘅帶動下籃網可能會有一番作為,甚至挑戰季後賽,但如今失去林書豪呢位領袖,相信籃網今季將難以走得太遠,而林書豪今個夏天嘅一切努力都化為烏有,真係太令人沮垠喪。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024