{ SKIP }
文:MenClub 波特先生  圖:互聯網
POSTED ON 14 Sep 2017

今年歐洲轉會市場最令人印象深刻嘅球隊相信一定係法甲嘅巴黎聖日耳門,因為佢地先以2.2億歐元從巴塞隆拿帶黎尼馬,然後又以租借形式(明年1.8億歐元優先收購)借入摩納哥18歲天才麥巴比,單係兩位球員已經令聖日耳門耗資4億歐元,呢個數字放喺以前簡直係諗都無諗過可以達到嘅高度。



雖然聖日耳門為左呢兩位球員投資左巨大嘅金額,但係球隊上下都認為呢兩位球員將會帶比佢地比投入更大嘅回報。你可能會認為聖日耳門呢次投資可能需要時間去驗證,但係新球季開始尼馬同麥巴比呢對新組合,加埋原來已經喺陣中嘅烏拉圭射手卡雲尼,已經可以話大殺四方,攻擊力甚至冠絕歐洲。


以往,歐洲足壇最強嘅進攻三叉戟基本上有三支球隊被評為最強的,佢地分別喺巴塞嘅「MSN組合」、皇馬嘅「BBC組合」以及拜仁嘅利雲杜夫斯基+列貝利+洛賓嘅組合。以上呢三支球隊憑住佢地豪草嘅進攻三叉戟,成功包辦左過去5屆歐聯冠軍及佢地各自聯賽過去5年嘅冠軍。


法甲開季已經踢左5輪,巴黎聖日耳門目前係聯賽唯一一支全勝嘅球隊,佢地5場全勝之外更合共取得19個入球,係目前4大聯賽之冠,而其中佢地嘅三叉戟分別攻入: 卡雲尼(7球)、尼馬(4球)、麥巴比(1球),合共12個入球,要知道佢地三位球員合計嘅12個入球比法甲除左排名聯賽第2嘅摩納哥之外嘅球隊各自總入球數都要多。


除左喺聯賽之外,岩岩喺歐聯嘅比賽,聖日耳門面對蘇超嘅些路迪,聖日耳門亦以5:0大勝對手,其中卡雲尼攻入兩球,而尼馬及麥巴比各自攻入一球,可以睇到就算面對歐洲其他強隊,聖日耳門嘅三叉戟亦都可以摧毀任何防線。


相較上面提到嘅三支球隊嘅三叉戟,巴塞喺尼馬出走後雖然成功購入迪比利,但後者明顯需要時間適應,所以巴塞目前靠嘅主要都係美斯一人;拜仁嘅三叉戟,由於洛賓同列比利年紀亦開始大,再加上一直以黎嘅傷患,相信佢地二人都會開始走下坡;皇馬嘅三叉戟可以話目前唯一可以同聖日耳門相提並論,但係佢地一定要有C朗拿度壓陣下先可以發揮威力,睇番宜家皇馬無C朗嘅情況下,巴利同賓施馬都好似唔識入波一樣,反而以伊斯高取代巴利好似效果更加好。咁樣睇落去,歐洲足壇最強嘅三叉戟真係可能屬於聖日耳門,而究竟佢地呢個組合可以將球隊帶到去咩高度,球迷們就要拭目以待啦!




Kyrie Irving轟下賽季新高47分,助塞爾特人保住16連勝!
hobby
【超進化】Kyrie Irving一手拯救塞軍保16連勝!
21 Nov 2017
送畀女朋友做聖誕禮物有冇得諗?
hobby
可愛發光 比卡超冬天拖鞋
21 Nov 2017