{ SKIP }
文:MenClub 波特先生  圖:互聯網
POSTED ON 13 Sep 2017

塞爾特人憑住三巨頭Paul Pierce、Kevin Garnett及Ray Allen,再加上Rajon Rondo呢位當時嘅小弟,成功喺2008年擊敗湖人捧起NBA總冠軍,呢個係塞軍自1986年以黎嘅首個總冠軍,所以對呢支傳統豪門極具意義。不過,塞軍呢個三巨頭組合只成功效出一年貨仔,之後雖然可以再打入總決賽,但就唔可以再拎到總冠軍。



而喺 2012年夏天,Allen決定放棄塞軍提出嘅續約合同,並選擇同熱火簽約三年,其後佢隨熱火奪得2013年嘅總冠軍,生涯一共獲得2次總冠軍。對於Allen棄塞軍離隊他投,曾經嘅好兄弟PP、KG同Rondo都難以接受,因此佢地之間嘅兄弟情早已煙消雲散,剩低嘅就只有恕恨。


不過,Allen同呢幾位前隊友惡劣嘅關係可能迎來轉機,因為近日Allen就同Paul Pierce見面,而PP對Allen嘅態度明顯已經180度轉變,佢喺自己嘅IG上載了一張與Allen嘅合照,並喺旁邊寫住:「是時候回到一起,@trayfour #burythehatchet @tic_pix @rajonrondo,無論發生咩事我們都有特殊嘅連繫,而且永遠唔會斷掉的。」


好明顯Pierce就係已經原諒左Allen,並希望另外兩位都可以同佢一樣放低仇恨,再次走埋一齊,佢認為佢地幾個都仲係好兄弟,大家嘅關係仍然係非常特別的。



雖然一直被憎恨住,但係Allen卻表示:「我從來無對佢地(塞軍三子)說出任何負面嘅評價,自從我離開已經5-6年了,但係事情就好似只係發生左1-2年咁。當我離開時,我係以自由球員身份離開的。當你聽到別人對你有負面嘅睇法時,這是令人沮喪的,因為當你贏波嘅時候,你對每一個都愛,一伙人關係都很好。當你一齊贏波,你永遠擁有呢種連繫,對於我黎講呢一點從來無改變。」


咁樣睇,雖然Allen被唔少人埋怨,但係佢都無因此而對佢地存在仇恨,而PP亦率先同Allen破冰,咁樣只係剩番KG同Rondo二人,相信PP將會勸說呢兩位兄弟同Allen和解,因為除左Rondo之外,其餘三人都已經退役,咩仇恨都留番喺球場,唔好再帶到場外啦。咁樣各位球迷喺未來可能會再有機會見到2008年塞爾特人奪冠時嘅四核心同場嘅情景,唔知你期唔期待呢?


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024