{ SKIP }
文:MenClub 波特先生  圖:互聯網
POSTED ON 07 Sep 2017

今年休賽期NBA有唔少令人震驚嘅交易或簽約,好似Paul George加盟雷霆、Jimmy Butler被交易至木狼、Chris Paul加盟火箭、Gordan Hayward加盟爵士等等,而相對黎講有啲唔起眼嘅簽約其實意義深長,其中Derrick Rose簽約騎士就係最令人意想唔到的。



Rose今年夏天以自由球員身份簽約騎士,將與LeBron James呢位昔日球場上嘅勁敵聯手。對於Rose簽約騎士,其實並唔令人驚訝,而球迷們驚訝嘅係佢竟然簽下一份年薪只有210萬美元嘅老將底薪合同。Rose現今年只有28歲,上季效力紐約人期間場均可以取得18分4.4助攻,年薪為2100萬美元,佢嘅表現其實亦可以叫做對得起呢個年薪,但係如今竟然願意大幅降薪90%,實在令唔少人跌破眼鏡。


願意放棄大量金錢加盟騎士,相信Rose嘅目的只有一個,就係希望可以奪得總冠軍。貴為昔日最年輕嘅MVP,Rose經歷左兩次嚴重受傷,導致身體狀態今非昔比,已經唔可能打出MVP級別嘅表現,能夠繼續喺場上打球已經差唔多係奇蹟。因此,今次Rose加盟騎士為嘅就係一次機會,一次可以挑戰總冠軍嘅機會。



如果話挑戰總冠軍,勇士當然係熱門中嘅熱門,但係勇士有Stephen Curry呢位絕對核心,所以Rose如果加盟勇士則必定只可以當後備。相反,騎士由於已經知道Kyrie Irving有意離隊,所以當佢地同Rose聯繫上之後,Rose便知道自己有機會可以出任騎士嘅正選控衛。作為NBA球員,更何況係作為曾經嘅MVP,Rose心入面雖然可以放低部份自尊,但都仍然有自己嘅堅持,佢想打正選而唔係只係當後備,所以佢最終選擇左騎士。


如今Rose嘅打法已經同受傷前大大不同,佢唔再好似以前咁單靠速度,而更多嘅選擇用腦及省力嘅打法。加入騎士後,Rose更可以向LeBron James請教一下如何更有效保護好自己身體嘅方法,盡可能一整季落黎唔會有咩大傷,長遠黎睇更加係延長自已嘅職業生涯。



選擇底薪、選擇加盟騎士、選擇一個挑戰總冠軍機會,Rose已經準倫就緒,佢將重新出發迎接自己生涯嘅下半程!








由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024