{ SKIP }
文:MenClub 波特先生  圖:互聯網
POSTED ON 30 Aug 2017

全球矚目嘅「世紀之戰」Mayweather vs McGregor終於分出勝負,「不敗拳王」Mayweather憑住防守反擊保留體力,去到第10回合嘅時候不斷搶攻體力已耗盡嘅McGregor,最終裁判決定終止比賽判Mayweather技術擊倒(TKO)McGregor。



擊敗McGregor後,Mayweather生涯50場比賽全部獲勝,而呢一場亦都會係佢生涯最後一戰。而McGregor雖然落敗,但係佢並無因此而失望,賽後更多次與Mayweather攪頭攪頸,又舉行左一個盛大嘅慶祝派對。無他嘅,兩位拳手今次雖然有勝有負,但係兩人都成功憑住比賽獲得巨額收入,所以寶際上兩人都係贏家。


據報導指,「世紀之戰」預計所產生嘅價值超過5億美元,甚至有傳可能達到10億美元,而作為主角之一嘅Mayweather被指賽事酬勞達到1億美元,仲未計佢獲得嘅賽事轉播費、贊助、廣告費等,所以佢今次賽事嘅實際嘅收入將遠遠超過1億美元呢個數。而落敗嘅McGregor,則獲得3000萬美元嘅酬勞,再加上其他收入,雖然金額必定低過Mayweather不少,但係幾千萬美元嘅收入都一定走唔甩。要知道McGregor打開嘅UFC比賽,一場比賽所獲得嘅出場費頂盡都係100萬美元左右,所以今次呢場「世紀之戰」為佢帶黎從來沒有嘅天價收入。


相信唔少人都會認為,當今最搵錢嘅運動應該係足球或者籃球,其實呢個答案係岩嘅,因為2016年收入最高嘅運動員係黎自足球界嘅C朗拿度,佢當年嘅年收入超過8000萬歐元。不過C朗能夠登上第一,全因為當年並無任何重要嘅拳擊賽事發生。而黎緊2017年,Mayweather將必定繼2015年後再次登上最高收入運動員第一位,甚至將超過第二位嘅運動員數倍。


單係計Mayweather今次「世紀之戰」嘅出場費已經達到1億美元,呢個數字對比番同樣以美金計算收入嘅NBA球星,就算係最頂級嘅巨星好似LeBron James、Stephen Curry等人都要多出3倍。今年夏天岩岩簽左新合同嘅Curry,黎緊一季年收入大慨為3460萬美元,而LeBron James則為3300多萬美元。粗略咁計,Mayweather今次嘅收入已經係兩位NBA巨星三個球季嘅收入,要知道Mayweather只係打一場比賽,仲要呢場比賽大慨就只係30分鐘,就已經收到呢1億美元,但LBJ同Curry則要一季差唔多打100場賽事,三季即係接近300場賽事,呢個距離實在係呢班籃球巨星都難以接近。


如果再仔細啲睇Mayweather今次嘅1億美元出場酬勞,你會覺得佢嘅吸金能力實在太恐佈!呢場「世紀之戰」一共比賽12回合,每回合3分鐘時間,最終Mayweather喺第10回合就成功擊倒McGregor,所以大慨雙方嘅比賽時間就係30分鐘(唔計休息時間),亦即係話Mayweather呢場比賽每分鐘獲得嘅出場費為333萬美元,每秒嘅出場費為5.5萬美元,美元!係美元!即係佢比賽嘅每秒賺緊43萬港紙,呢個數字可能係唔少朋友3年先搵到嘅收入,但係人地用1秒就搵到,真係太難以想像。


不過,其實拳擊確實係存在一定嘅危險程度,唔小心中一拳隨時腦震盪,又或耳膜被打穿等,所以越高風險嘅活動總係會帶黎越高嘅收入。只不過今次呢場「世紀之戰」卻被唔少人認為只係做show,所以危險程度有限。


因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024