{ SKIP }
文:MenClub 波特先生  圖:互聯網
POSTED ON 22 Aug 2017

「呂布」伊巴謙莫域可以話係近代最出色嘅前鋒之一,而佢喺歐洲曾效力多間豪門,其中包括祖雲達斯、國際米蘭、巴塞隆拿、AC米蘭、巴黎聖日耳門以及曼聯,而期間佢亦取得相當多嘅成就,特別喺聯賽冠軍。



而由於伊巴以往效力嘅多數都係豪門,所以其陣中擁有唔少出色嘅球員,好似祖記個陣就有迪比亞路、韋拉、利維特等;喺國米就有費高、J辛尼迪、列高巴等;喺巴塞又有美斯、恩尼斯達、沙維等;A米個陣又有尼斯達、施多夫、恩沙基等....總之喺伊巴身邊總係有無數巨星的。



而近日,伊巴就被問到喺佢生涯入面,曾經合作過最出色嘅隊友究竟係邊個嘅時候,竟然唔係以上提到過嘅任何一位球員,佢所選擇嘅係國米時期嘅前鋒拍檔「國王」阿祖安奴。伊巴呢個答案可能出乎唔少人嘅預期,不過伊巴卻指呢位巴西前鋒擁有無與倫比嘅天賦,只係最終佢並無將佢兌現為一段更長嘅時間。伊巴又指,當時佢加盟國米之後立刻找上球隊主席表示,佢一定要同阿祖安奴拍檔,因為對方就係佢想要一齊踢波嘅個一位。


如果你用今日去睇阿祖安奴,我諗唔少人第一時間諗到嘅只係一位肥佬、唔愛惜自己、浪費天賦嘅球員,較為好嘅朋友可能會為佢感到婉惜,因為呢位左腳球員當年真係配得上伊巴所講的。



現年只有35歲嘅阿祖安奴,早已喺歐洲球壇消息,其中嘅原因係佢嚴重缺態同超重,並沉迷酒色,如今更加已經無再踢波,甚至有傳佢目前已返回巴西嘅貧民區居住。而早喺2001年,阿祖安奴已經加盟國米,期間曾短暫轉投帕爾馬,但其後喺2004年重返國米,並喺2004-05球季上陣42場攻入28球,直至2006-07球季伊巴加盟後,二人組成令唔少後衛驚恐嘅鋒線組合。


巔峰期嘅阿祖安奴曾有人指佢係朗拿度同伊巴嘅混合同,佢嘅腳頭仲要超級強勁,如果你當年有玩Winning,一定記得佢嘅射門力度係99爆燈的。最終,憑住佢同伊巴兩位超級前鋒合力,國米連續4年奪得意甲聯賽冠軍,並且分別兩奪意大利盃冠軍同意大利超級盃。所以諗深一層,伊巴比出嘅答案其實並非唔合理,因為當時嘅阿祖安奴真係一名超級前鋒。



雖則阿祖安奴如今放縱自己,但其實又唔可以完全怪佢,因為佢都係受到重大打擊先會成個人變晒。據消息指,阿祖安奴仲效力緊國米期間,突然有一日電話傳黎佢父親離世嘅消息,之後阿祖安奴就失控喪尖叫同喊,雖然當時國米上下都有唔少人關心佢,但係佢始終無辦法喺抑鬱走出黎,所以佢嘅生活自此開始不受控,佢再唔能夠站起來,並一直沉淪至今,實在令人非常婉惜。



題外話,伊巴近日喺自己嘅IG上載左一段影片係佢表演迥旋踢,可以咁樣踢法睇黎佢嘅傷勢應該真係無咩大問題,復出指日可待!!

Which knee? @azsportswear #azbyzlatan

A post shared by IAmZlatan (@iamzlatanibrahimovic) on


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024