{ SKIP }
文:MenClub Mr.波特  圖:互聯網
POSTED ON 21 Aug 2017

如果要諗起一位傳奇門將,你可能未必第一時間諗起佢,但係如果話只係諗巴塞隆拿嘅傳奇門將,咁你就可能會諗起佢啦,佢就係「神經刀」門將之一嘅域陀華迪斯。而呢位巴塞嘅傳奇門將,近日就正式宣佈退役,結束自己17年嘅球員生涯。



如果要講門將能力,現年35歲嘅華迪斯未必會係歷史級別嘅存在,但係佢作為近10年巴塞最巔峰時期嘅門將,表現卻係綽綽有餘。而華迪斯亦隨隊奪得過所有大賽冠軍,好似歐聯、西甲聯賽、國王盃、世冠盃,以至隨西班牙國家隊奪得世界盃冠軍,所以作為球員基本上佢都無憾。


如果真係要講,華迪斯最可惜嘅應該係2014年離開巴塞並喺之後加入曼聯,因為佢同當時嘅領隊雲加爾不和,所以被雪藏至完全無波踢。最終佢喺2016年轉投米杜士堡,但可惜球隊不幸降班,而華迪斯決定唔留效,並決定退役。


據報導指,其實華迪斯並唔係覺得自己表現差唔適合繼續踢落去,相反其實有唔少球隊仍然對佢有興趣,甚至為佢開出合同,其中包括拉科魯尼亞等。不過,華迪斯卻拒絕左呢啲球隊為佢開出嘅合同,並決定正式退役。



華迪斯目前雖然35歲,但係仍為門將仍然算係年輕,所以佢咁快決定退役,梗有啲原因,原來佢選擇退役係因為另有打算,佢已經同朋友夾份開左一家電視台叫做「Crazy4fun」,並且已經開始製作全球性嘅節目,而電視台嘅基地就分別設於巴塞隆拿、阿布扎比及倫敦。除左成為電視台老闆,華迪斯亦會走到幕前,其中佢已經有一個節目係專門訪問一啲已經退左役嘅球星。目前,華迪斯電視台製作出黎嘅節目已經成功賣到12個國家,作為一個新公司絕對可以話係相當成功。


華迪斯1995年加入巴塞青訓,之後喺2002年正式成為一隊成員,並一直效力至2014年。效力巴塞期間,華迪斯一共獲得6次西甲聯賽冠軍、2次國王盃冠軍、3次歐聯冠軍、6次西班牙超級盃冠軍、2次歐洲超級盃冠軍以及2次世冠盃冠軍。國王隊方面,華迪斯則分別隨西班牙奪得2010年世界盃冠軍以及2012年歐國盃冠軍。








由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024