{ SKIP }
文:MenClub Mr.波特  圖:互聯網
POSTED ON 17 Jul 2017


去年夏天勇士成功獲得Kevin Durant加盟,令一支本來已經擁有3位全明星嘅球隊,再加入一位超級巨星,最終呢支2015年總冠軍喺今年全無敵手下成功擊敗一眾豪強三年內奪得第二次NBA總冠軍。其中KD更加係首次奪得總冠軍,兼且憑住超穩定嘅高水平表現,成功首次獲得總決賽MVP,對於佢黎講絕對係完成一大夢想。



不過,對於KD轉投勇士一事,唔少球迷都認定佢係「抱團」,直言呢位「超級巨星」只係一名懦夫,因為作為一名真正嘅戰士係應該再接再厲去挑戰擊敗自己嘅人,而唔係被擊敗後就去加入擊敗自己個一方,佢揀嘅呢條路只係一個奪得總冠軍嘅捷徑。


對於被人話自己走捷徑嘅呢個說法,KD完全不能接受,佢認為自己加盟勇士後仍然相當努力練習,每日早上8點半就起身,然後往往自己就係第一個進入訓練場館嘅人。因此,佢認為其他人係忽視左佢因為努力而得到嘅成就。對於KD嘅講法你又認唔認同呢?


其實能夠成為一名超級球星,其實唔使我多講都知道佢一定有努力過,除非係好似奧尼爾咁擁有天生無敵嘅身體質素。不過,對於KD嘅我諗仍然有好多人唔認同,因為就算佢有好努力訓練,但係亦都無法否認佢加入嘅本來就係一支超級球隊。



另外,亦有球迷直指KD 8點半起身其實絕對算唔上有幾努力,因為作為超級巨星嘅Kobe  Bryant,就算佢已經拎到總冠軍,但係佢都係會凌晨4點鐘就起身訓練。試諗下一位已經足以進入名人堂嘅超級球星都仲可以咁樣試練,KD對比之下8點半先起身又唔可以話佢唔努力,不過就比唔上Kobe個種努力。


KD 8點半起身,當佢9點半開始訓練,平時一整日可能練到晚上7-8點,其實都練左10個鐘波,唔知你覺得點,但係呢個訓練量應該都真係夠。而如果係比賽日,佢地練習完之後仲要比賽,隨時搞到11-12點,講緊嘅係一整日練習加比賽已經用左13-14個鐘,其實絕對係辛苦的。無論你鍾唔鍾意KD都好,作為一名職業球員都一定會好努力訓練,因為如果唔係點保持作為一名超級球星嘅實力呢?不過佢離開雷霆呢個決定點講都真係難以接受嘅,你又覺得呢?







喺今年暑假,香港嘅體育盛事可謂一浪接一浪,其中就有英超亞洲盃、世界女排大獎賽、香港世界桌球大師賽2017等等。不過,如果講到世界性嘅盛事,近期就將會發生一場價值可能達到5億美元嘅賽事,講緊嘅就係拳擊界嘅「 ...
hobby
Mayweather vs McGregor「世紀之戰」價值將超越NFL超級盃!
20 Jul 2017
「籃球之神」Micheal Jordan可以話係NBA嘅歷史第一人,而如今佢雖然已經退役多年,但係影響力仍然驚人,其中佢嘅個人品牌Jordan更加係籃球鞋市場嘅一哥。而眼見中國市場巨大,所以Jordan亦喺多年前進入國內。不過, ...
hobby
【好睇過戲】喬丹體育控告Jordan品牌侵權!
20 Jul 2017