{ SKIP }
文:MenClub 魏文青  
POSTED ON 17 Jul 2017
成人聽日講數碼相機雖然方便,但硬係冇咗以前用菲林嗰種每一格都唔想浪費、花盡心思務求影到最好,同時影完又要等好幾日曬出黎嘅心情,硬係好似差啲嘢咁——係呀,其實只係差個APP咋!因為只要用「Gudak」,你都可以經歷返以上嘅一切趣味!


「Gudak」由韓國公司「Screw-bar」團隊設計,名稱明顯地模仿大家熟悉嘅「柯達(Kodak)」,但其實「Gudagdali」喺韓文中亦係指「過時」咁解。佢哋認為「撳多幾下唔使錢」嘅數碼時代會令人忘記「選擇珍惜時光」,亦會失去「等待的美學」,於是喺「Gudak」APP入面嘅取景畫面模仿舊相機嘅背後,用家只能用取景器嘅位置黎取景,影完亦唔可以即時檢視,要等三日先可以「沖曬」出黎,甚至每影完24張就要等12個鐘先有一筒「新菲林」。成件事睇落相當傻,但傻得有味道。


當然影出黎嘅相亦會以濾鏡模仿菲林相機嘅質感。如果你真係好唔等得,亦可以「出術」地去較快電話嘅日期時間,令自己可以即刻再影,或者睇到相片成品。但如果係咁,你都唔使用8蚊買呢個APP返黎啦?
Godak on iTunes (iOS only)




伊巴謙莫域究竟踢唔踢到世界盃呢?
hobby
【無人想你?】伊巴謙莫域想踢世界盃只係一廂情願?
20 Apr 2018
其他亮點包括女版行運超人,肥仔識放火,以及完全冇異能嘅X-Force成員「Peter」!
hobby
《Deadpool 2》最終預告 死侍顏面騎乘機堡
20 Apr 2018