{ SKIP }
文:MenClub Mr.波特  圖:互聯網
POSTED ON 10 Jul 2017


曼聯隊長朗尼終於喺一片紅魔球迷歡呼聲中重投母會愛華頓嘅懷抱,週薪15萬鎊雖然比起效力紅魔期間大幅減少,但仍然係「拖肥糖」隊內嘅第一高薪,對於一位已經過左30歲,以及狀態明顯已不復當年勇嘅球員,今次愛華頓嘅出價絕對可以被認為係一次念舊價。對於唔少曼聯球迷黎講,球隊終於能夠送走「月巴」絕對係一件值得開香檳嘅事,不過其實回顧番朗尼喺曼聯嘅時光,佢絕對係紅魔鬼歷史級別嘅存在,佢嘅成就亦絕對對得起佢嘅球隊。



朗尼自從18歲(2004年)離開愛華頓以2540萬鎊(轉會費加盟曼聯後,已經效力左呢支英超豪門13個球季,佢奉獻左自已最巔期嘅時期,雖然喺年過30後佢嘅狀態大幅下滑,但係平心而論佢對曼聯嘅貢獻足以載入球會歷史當中。



效力曼聯期間,朗尼無論大小一共上陣左559場比賽,排名曼聯隊史第6名,而佢總共攻入左253球(右腳入球195個、左腳入球28個、頭槌入球30個),係曼聯隊史紀錄,領先第2位嘅傳奇球員卜比查爾頓4球。而就喺呢13年效力時間入面,朗尼一共為曼聯取得1次歐聯冠軍、5次英超冠軍、1次足總盃冠軍、3次聯賽盃冠軍、4次社區盾冠軍、1次歐霸盃冠軍以及1次世冠盃冠軍,一共16個錦標。


除左為球隊拎到眾多冠軍外,朗尼本人亦拎過唔少獎,其中包括:2次PFA年度球迷選擇最佳球員、1次PFA年度最佳球員、2次PFA年度最佳年輕球員、1次英格蘭FWA足球先生、1次英超最佳球員、4次英格蘭足球先生等等。



另外,朗尼亦憑住2011年2月面對曼城比賽時攻入嘅倒掛,獲得英超20年(1992-93至2011-12)最佳入球獎,而佢呢個入球相信亦會名留青史。


作為曼聯近10年攻擊線上最穩定嘅球員,朗尼曾夥拍過相當多嘅前鋒,其中就有雲尼斯達萊、C朗拿度、伊巴謙莫域,雲佩斯,靴南迪斯,貝碧托夫,迪維斯,沙夏等等,就係呢班頂級前鋒不斷轉轉嘅時候,朗尼就十年如一日屹立不倒,成為曼聯前線上最可靠嘅選擇。可惜嘅係「再鋒利嘅刀都有生銹嘅一日」,呢位曼聯傳奇都係敵唔過時間,只能夠喺一片「歡呼聲」中離隊,重返母會。



可能作為曼聯球迷嘅你對於近兩年朗尼嘅表現非常不滿,好想佢快啲離隊,但係其實睇番佢對曼聯嘅貢獻,佢絕對值得對得上傳奇嘅稱號呢!


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024