{ SKIP }
文:MenClub Mr.波特  圖:互聯網
POSTED ON 14 Jun 2017


目前足球壇嘅轉會市場可謂非常火熱,球星們嘅轉會費被炒至天價,好似只有18歲嘅摩納哥妖星麥巴比身價高達1.4億歐元,而愛華頓前鋒盧卡古亦高達8000萬鎊,真係每個數字都令人O晒咀。不過目前呢啲消息都只係聞樓梯響,但有一宗轉會就可能就快成真,講緊嘅就係皇馬後備前鋒莫拉達。




莫拉達係今年夏季轉會市場入面其中一位最搶手嘅球員,雖然呢位前鋒喺岩岩一季表現出色,一共為皇馬喺各項賽事入面攻入左20球,比正選前鋒賓施馬交出更多入球,但係佢喺領隊施丹眼中都係未能夠成為球隊嘅正選,所以希望成為正選嘅佢就只能夠選擇離隊他投。喺施丹同其他皇馬球員嘅請求下,莫拉達都係決定離開,因此皇馬亦只能夠將佢賣掉。


而同莫拉達扯上關係嘅球隊其實主要得三支,佢地分別係車路士、曼聯以及AC米蘭,其中米蘭本來傳出好大機會購得呢位只有24歲嘅射手,點知曼聯後來加入,憑住摩連奴嘅三寸不爛之舌,成功遊說莫拉達轉向加盟由呢位名帥執教嘅英超傳統豪門。



最新嘅消息指,曼聯已經為莫拉達開出6000萬鎊轉會費,雖然同皇馬預想嘅7000萬鎊仲相差成千萬,但係相信呢個差距已經唔成問題,雙方將會喺今日之內決定出最終轉會費。而曼聯為莫拉達開出嘅週薪高達37萬鎊,並預計雙方會簽5年合約。


曼聯突然加入莫拉達爭奪戰,全因為佢地決定唔同伊巴謙莫域續約,所以急需尋找另一名頂級前鋒助陣,而莫拉達已經向世界證明左自己嘅實力,再加上摩連奴噝皇馬執教期間曾與莫拉達共事,所以對呢位球員應該都好熟悉。



對於莫拉達,摩帥絕對係稱讚有加,並直言如果佢來季效力曼聯,將會成為球隊最重要嘅球員之一,可能就係呢份承諾,令喺皇馬未受到重視嘅莫拉達心動。預計呢宗轉會最快聽日就會有消息,究竟摩帥能唔能夠搶走呢位當紅前線殺手呢?球迷們拭目以待!






由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024