{ SKIP }
文:MenClub 魏文青  
POSTED ON 10 Aug 2018
正如每個人心中都有座斷背山,每個男人心目中都會有間最愛的吧(對毒男們黎講可能係網吧),呢間吧未必有咩特色、未必有咩好飲、甚至連坐都未必好好坐,但你就係鍾意同班朋友三不五時去坐下、傾下計,呢間「吧」唔再係「吧」,而係一個「竇」。而如果你未搵到一間咁嘅吧,就可以參考下由作家Jurgen Lijcops近日推出嘅新書《150間死前要到的酒吧(150 Bars You Need To Visit Before You Die)》,當中更加有香港嘅酒吧上榜,話唔定可以為你提供些少靈感。以下就係其中幾間被提名嘅酒吧。

1. The Alchemist, 英國倫敦

位於倫敦市中心,地標「Gherkin(正名為 30 St Mary Axe)」旁邊。Jurgen形容其內部裝修充滿現代感,提供大量由Mojito到自家研發等不同款式的雞尾酒,更有開班授徒,餐廳仲好好食添!

2. Bar Raval,多倫多

名字來自西班牙巴塞羅那舊城著名嘅酒吧區「El Raval」,同樣地以西班牙小食「Tapas」為主,故提供嘅雞尾酒亦配合小食嘅味道而以苦艾酒(又名威末酒,Vermouth)同雪利酒(Sherry)為主。值得一提嘅係仲提供低酒精雞尾酒,就算唔飲得都可以去湊下熱鬧啦!

3. Dante, 紐約

1915年開立,至今過百年歷史嘅酒吧,歷年來吸引如Bob Dylan、Al Pacino、海明威、Robert Mapplethorpe等人光顧。其Negroni特別有名,好賣到預先整好再用水龍頭斟出黎。

4. Untitled Supper Club, 芝加哥

吧內一星期有五日會舉行Live Show,內部間隔非常別致,甚有「柳暗花明又一村」之意。但最吸引嘅或者係佢嘅「配套」:隔離就係由Frank Munk主理嘅米芝蓮星級餐廳Bib Gourmand,附近亦有香檳吧、威士忌吧等。

5. Beaufort Bar, 倫敦

再次回到倫敦,位於Savoy Hotel中嘅Beaufort Bar以其藝術品裝飾而聞名,連本Menu都堪稱藝術品,配合提供嘅20種雞尾酒訴說Savoy Hotel嘅故事。

6. Blackwell Rum Bar, 內格里爾

你第一個問題一定係「內格里爾喺邊到黎?」,答案係加勒比海國家牙買加嘅度假勝地。而Blackwell Rum Bar就係處於當地The Caves Hotel之內,再睇埋張圖,好顧名思義啦?之於個賣點?都好明顯啦下話?

7. Gianni Bar, 洛杉磯

今年先開業,位於NoMad 酒店之內。由於酒店原址係意大利銀行,「Gianni」呢個名其實就係該銀行嘅創辦人。賣點?一字記之曰:靚!

8. Gold on 27,杜拜

位於著名嘅「帆船酒店」27樓,賣點非常切合成個杜拜,就係奢華。就算唔睇啲金閃閃嘅檯檯櫈櫈,啲雞尾酒竟然會用上番紅花、松露、羊奶芝士,鵝肝等名貴食材,非常豪氣。

9. Djapa Bar,香港

位於灣仔利東街,內部裝份揉合傳統日本藝術同色彩班爛嘅巴西圖畫,除咗有巴西風味嘅雞味酒,仲有超過300種日本威士忌同清酒。

10. Dogma,安特惠普

比利時安特惠普最著名嘅酒吧,內部裝飾非常有復古時代感。 而吧檯主理人Didier Van den Broeck曾獲得多個獎項,以個人風格重製傳統雞尾酒,亦有特色創意。

Maxim

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023