在日本的氣節中，季節分成五行，春屬木、夏屬火、秋屬金、冬屬水，而在立春、立夏、立秋、立冬前的十八天都稱為土用，一年有四個「土用」，而夏季的土用丑日通常都是熱到熔的一天，所以日本人習慣食鰻魚補充體力，所以又有「鰻魚日」之稱。

九號水產自上年年中開幕之後，一直深受區內歡迎，呢個主打海產的大型美食超市，本身已有海福樓、蟹筵、壽司翔太等中產餐廳，亦有饒之味、頤之味等中價位食肆，今次九號水產舉辦的「鰻魚祭」，其實就是期間限定的pop-up美食市集，主題當然就是鰻魚，售賣約15款以鰻魚為主題的迷你丼飯及鍋物小食，即叫即做。

中庭市集由「饒之味」居酒屋主理，提供如迷你鰻魚飯 ($40)、鰻魚柳川鍋 ($40) 、鰻魚煎蛋卷  ($40)等菜式，而海鮮大街位置的市集則由「頤之味」壽司吧主理，主攻一人前丼飯，口味卻多達十種不同口味，北海道粟米、脆紫菜、飛魚籽、檸檬魷魚天婦羅、鰹魚花、櫻花蝦等等等，一律$40碗，俾著我都係食原味。

除此之外，市集還有其他精緻小食，當然一定有即燒海鮮，如磯燒韓國活鮑魚、磯燒活廣島蠔等等，若果你想坐低舒舒服服食，都仲有一間「宏」，他們供應的日本白燒鰻魚定食，都是特別設計的菜式。

九號水產——鰻魚祭

地點：紅磡德豐街8號黃埔新天地第九期地下
日期：7月20日至22日（星期五至日）
時間：7:00pm - 10:00pm（7月20日）*、1:00pm - 10:00pm（7月21日至22日）
備註：7月20日晚上6時30分會於場內有原條養殖新鮮藍鰭吞拿魚解體show。