{ SKIP }
文:MenClub William 圖:互聯網
POSTED ON 15 Jun 2018
世界盃列強爭霸,琴晚俄羅斯大炒沙地阿拉伯5球,真係成地眼鏡碎,究竟係輸心態定備戰不足呢?備戰嘅嘢,除咗戰術,當然仲有一大堆供應俾國家隊,以及隨團醫療團隊同工作人員嘅物資,你估下上屆冠軍德國隊帶咗幾多德國腸去俄羅斯?

德國隊除咗個個著住型到震撼嘅HUGO BOSS深藍西裝上機,仲帶備好多物資過俄羅斯,在德國隊自家的twitter就有透露,其中包括18000公升的啤酒,700公斤的德國腸,300公斤薯仔,聽落好似好多,別忘記一隊球隊背後,隨團的教練團、醫療團隊都大把人,而且對於德國人黎講,No Beer No Life,德國隊負責人表示:「我們不能把索契的海搬到莫斯科,但我們會盡一切的努力讓球員們感到舒服。」

咁多嘢食,作為教練嘅路維你唔好再亂食嘢啦。

而處於同組嘅韓國,則帶上4噸泡菜......不過面對德國、瑞典同墨西哥,認真,準備真係多咗...

而南美幫如烏拉圭、阿根廷則帶來南美洲特產,Mate Tea瑪黛茶,被譽為「阿根廷國寶」、「綠色黃金」,一種傳統的南美洲草本茶,含高含量咖啡因,同中國茶葉極之相似,作用廣而多,提神醒腦到降血脂。

南美幫之一烏拉圭,就帶上了多達180公斤瑪黛茶茶葉,只希望蘇亞雷斯飲完唔會太high再次亂咬人,要乖呀知無?

美斯身處的阿根廷就梗加穩陣,除咗自備瑪黛茶,牛肉、豬肉、煉奶等阿根廷食材,全部專機直送,更要提前送運到了球隊的訓練基地。

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023