由上年7月講到依家，呢間來自紐約，人氣極強的漢堡店終於落實登陸香港，鐵定春季開幕，繼東京、首爾之後，成為第三個Shake Shack落戶的亞洲城市。

在美國人心目中，Shake Shack地位尤其重要，自2004年紐約麥迪遜廣場公園成立第一間店至今，到現在過百間分店，多年來被多個美食機構評為對漢堡文化極大影響的漢堡店，好似BonAppétit形容為「美國20家最重要餐廳」，獲TIME Magazine 選為「17個最具影響力漢堡」之一。你係咪好唔明點解可以入晒榜，我都唔知，食過你咪知囉。

Shake Shack香港店，選址中環ifc商場四樓，坐擁維港景色，應該亞洲景觀最靚的分店。Shake Shack堅持從食材、用具、人才、環境責任、室內設計、社區貢獻等多方面強調可持續性發展，改寫「速食」概念，所以今次找來香港插畫師Zoie Lam作藝術創作，將餐廳地點變身塗鴉牆，揉合香港味同美國街頭文化。

香港分店同本地飲食集團Maxim’s（Well...you know the game）合作，不過食材當然係100% 移植。要講店內必食，一定係招牌安格斯牛肉漢堡和雞肉漢堡，前者選用100%全天然的安格斯牛肉，後者無添加激素及抗生素，仲有必食的粗薯條，同埋極多口味的奶昔，其他則有flat-top dogs熱狗、啤酒同紅酒（識食漢堡梗係襯紅酒！）。