{ SKIP }
文:MenClub William
POSTED ON 12 Jan 2018

近排天氣維持十多度水平,入夜更低至七、八度,天寒地凍,真心只有打邊爐先驅到寒意,不過忙到間屋有無僭建都唔知的香港人(可能只係高官),可能連落街打邊爐的勇氣都被冷風「吹」毁。所以坊間一站式的火鍋外賣速遞,包料包醬借埋爐俾你,依然大有市場 。

近日,又一勢力過來參一腳,連主打高級精品火鍋的酒鍋,都開始提供火鍋速遞的服務,雖說火鍋速遞不是新事,「打邊爐之城」香港一早就有數間專營火鍋速遞的網店,加上坊間亦有不少火鍋店已著手於外賣速遞,如九龍城的禾牛薈、灣仔的御龍軒,連南記都有鍋出,或者各大商家借鑑外賣apps近年取得的成功,同樣發現到外賣到會的商機,原來比想像中大。說到尾,免寒免力的外賣直送,各位食客只需挑選一間就好啦。

講返酒鍋個鍋,價錢比想像中划算,不論四人、六人、八人,肉類主題套餐每位約$300左右,海鮮主題套餐則由$350元起跳,前者以日本黑毛豬腩肉及安格斯牛頸脊作主打,配以一系列自家製水餃、招牌自家制丸類、頂級蒙古涮羊片及花雕醉雞件,爆多肉,後者以大蜆及海中蝦作主打,價格較高的套餐更會配上鱆紅魚、象拔蚌、三點蟹及蟶子等上等食材。此外,套餐亦包括更多海鮮配料,包括各式蝦蟹餃、自家制丸類如手打芝士蝦丸。湯底則可選「酒鍋」招牌四款湯底,四川麻辣、潮州沙爹、濃湯豬骨及黑松露雜菌四款湯底。

直送火鍋套餐更以環保「野餐籃」盛載,三層位置妥善擺放包裝配料、餐具、可循環再用檯布、杯子、濕紙巾,更可借用火鍋及日本品牌Iwatani火鍋瓦斯爐。

OK,我都知你地無時間搵,一次過俾幾間火鍋速遞你望下。

酒鍋:

www.tdpdelivery.com


御龍軒:https://www.facebook.com/%E5%BE%A1%E9%BE%8D%E8%BB%92-1463247807031061


禾牛薈:

http://woocowhotpot.com.hk/order.php


Seamart:

http://www.seamart.hk


品味火鍋速遞:

https://www.facebook.com/%E5%93%81%E5%91%B3%E7%81%AB%E9%8D%8B%E9%80%9F%E9%81%9E-1515385812050201/?ref=page_internal


進寶食品:

http://www.chunbofood.com/TC/HKD/home.html


麻煩自己留意返外送時間同費用。



對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023