{ SKIP }

POSTED ON 05 Jan 2018

中環店LA VACHE!,基本上都可稱為中環最經濟實惠的扒房,獨沽一味10oz肉眼扒,加上任食牛油炸嘅薯條,夜晚例牌爆場,成日呻想食都要過海咁遠,終於唔使長歎,因為尖沙咀分店已開!

La Vache!法文的意思是「天啊!Holy Cow!亅,餐廳內的牆壁及餐桌印有吉祥物Betsy Cow在巴黎冒險的插畫,黃銅元素貫穿整個空間,紅皮製卡座,牆身更繪上巴黎歌劇院和塞納河壁畫。重點反而落在店中的女侍應,束起髮髻,搽埋唇膏,是傳統的法國女侍應服飾,暗暗有種巴黎小餐館的格局。

餐廳供應固定餐牌,招牌USDA Prime 美國安格斯肉眼扒10oz配以招牌特製醬汁,配上香脆核桃有機沙律,同埋無限量供應的香脆炸薯條,每位都係$298,唔算貴,經濟實惠。

唔好話自己無得揀,侍應每晚也會推著一架的甜品車(甜品每款$108)在餐廳內週圍走,大熱的選擇包括忌廉和焦糖榛子的泡芙Paris Brest,以多層酥皮和忌廉製成的法式千層酥 Mille Feuille,以及用自家製紅桑子果醬配搭新鮮紅桑子馬卡龍Raspberry Macaron。

別忘了仲有酒,多款精心調製的法式美酒和雞尾酒(每款$108),包括混合烈酒和氣泡酒的Kirs,還有以波本威士忌、金巴利酒和 Vermouth Rouge 香艾酒調製而成的Boulevardier,完美配合小餐館的風格。另外,La Vache!的自家紅酒(每杯 $78/每瓶 $358),也是配搭牛扒的最佳選擇。

留意返尖沙咀店同中環店一樣,倆口子無得訂位只能walk in ,除非你是5位以上。

La Vache!

地址:九龍尖沙咀赫德道12號

電話:2666 6818

營業時間:6:00pm - 12:00mn



酒店「鋸扒」都有咁大自由度!?
gourmet
酒店扒房新玩法 靚扒親自任揀 食幾多煮幾多
18 Jul 2018
Jamie Oliver的Mentor,意菜大廚Theo Randall再臨香港!!!
gourmet
意菜大廚Theo Randall 再臨香港 7月18 - 22日快閃炮製夏日新菜單 ...
18 Jul 2018