{ SKIP }

POSTED ON 03 Jan 2018

我發覺大家都好鍾意Gordon Ramsay,最初睇住喺《Hell’s Kitchen》鬧人鬧得咁開心,cap圖最多就係粗口問候。不過,出名惡嘅Gordon Ramsay,早前登陸韓國,又上綜藝,又拍廣告,就引來大批網民「問候」,點解?你知唔知佢賣咩廣告先?



Gordon Ramsay早前上韓國綜藝《拜托冰箱》擔任極罕有的嘉賓廚師,《拜托冰箱》未睇過唔緊要,節目就係搵來不同的藝人同廚師,運用各人廚房中的隔夜餸煮出美食的戲劇比賽。當中佢就梗係有爆粗啦,不過其實麻麻地好睇(或者因為班主持講太多嘢...)。
隨後就因為在當地爆紅而引起討論,不過當西方網民搵到Gordon Ramsay這9月時接拍韓國啤酒Cass的廣告,先係大爆炸的火引。Gordon Ramsay在廣告大讚啤酒點點點,同炸雞和燒肉好配搭咁咁咁,充滿計算的演技。Cass屬大酒廠出品的,以降低麥芽比例生產的淡口味啤酒,西方傳媒當然唔會放過佢啦,好仆街地形容佢今次前往韓國「釋出善意」為 "savageness" ,意即「在殘酷的世界裡對人和善」,超級好笑。
雖然貴為英國一線Celebrity Chef,仲有米芝蓮三星隨身(你煮嘢好食又唔一定要同錢作對嘅),一切一切製造出來的形象,同收費都有掛勾,就好似涉足廚壇的Chef Le Mon,明明出親post日日都俾笑,不過一唱活佛VIVA,坊間又出黎吹奏檸檬,你就知形象幾重要,應該話做完形象搵錢更重要。

題外話,諗起Celebrity Chef ,我又記得有單嘢好好笑,話說美國曾經有一個Celebrity Chef Rachael Ray,07年代言Dunkin’ Donuts。美國人當時因為911恐襲世貿雙子塔,對所有同中東有關係的事物大為緊張,廣告中她身上一條黑白紋scarf,就此觸動一班「容易引起不安」的群眾,即使Dunkin’ Donuts連出數個聲明,但集體投訴而成的輿論,也足夠令廣告打落十八層地獄。
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023