分享台灣趣聞一則，一個Backpacker喺台灣網上「誤傳」為米芝蓮廚，為台灣女友留台夜市賣蛋糕，其為愛舉動確實令網上「妹豬都喊濕」，甚至有酒店邀請合作。點知俾網友踢爆只係餐廳「炒散」，情節好睇過幻海奇情！

話說台灣有位德國男子Vladimir Keller，自稱Backpack到台灣，和台灣女友在台中逢甲夜市用「人肉餐車」的方法賣蛋糕，當時就有記者形容佢為「為愛走天涯的白色天菜大廚」，當然得到媒體強烈吹捧，大佬，呢個咁「骨痺」嘅題真係不得了，結果，就如大家聲稱永遠唔睇嘅TVB一樣，紅到大把人訪問，當中就佢嘅女友就聲稱 Vladimir喺米芝蓮餐廳做過。甚至，紅到有高雄的酒店主動搵佢舉辦「米芝蓮大廚」晚宴，結果就露饀了。

隨後有台網友在FB《爆料公社》踢爆Vladimir身分造假，只係一個曾於德國米芝蓮餐廳Kochu Karu做過臨時工，而且Kochu Karu餐廳在2014年獲得米芝蓮評級，當時Vladimir根本就未返工，所以根本。

呢對情侶在台灣已成過街老鼠，報導過嘅傳媒又俾強力恥笑，不過最好笑係邀人合作，自己「落搭」的酒店一方，竟然聲稱「由於媒體錯誤的報導，使本公司誤會Vladi先生爲米其林廚師，進而邀約合作」等等聲明，理由震驚十三億人，台灣本地都成日笑記者智商無下限，但嗰間酒店Marketing嘅「膽識」，真係可直上《網民讀者智商平均300》。

圖自FB《爆料公社》