美國總統特朗普今個月6號去咗日本訪問，日本首相安倍晉三共進晚餐，不單令銀座高級鐵板燒店 ”銀座UKAI亭” 鐵板燒爆紅，甚至將餐廳股價迅升，連帶將當晚嘅主菜——A5級佐賀牛推到世界鎂光燈之下，經「侵侵」加持之下，佐賀牛詢問度大大提升。

眾所週知，特朗普出名食得「奄尖」，喜好屬典型美式口味，鍾意食steak同Burger，魚生壽司生冷野免問。第一日到日本，已經係食東京Munch’s Burger Shack嘅Burger，安倍仲要強調塊肉係美國牛，都係賣US$10，雖然價錢唔貴，不過一早已經被冠以「東京最佳漢堡店」之名。

而兩國元首當日吃過鐵板燒晚餐後，意外帶挈佐賀縣名產佐賀牛成為人氣食材。佐賀縣政府和當地農協就翌日就收到極多查詢。最搞笑係根據bloomberg指出，當日兩位總統打咗個卡之後，UKAI母公司股價就喺數分鐘內迅速升左約200點，有成7%。

不過留意返，「佐賀牛」屬於黑毛牛，其肉質達最高級的第5級，不嬲都係和牛中嘅貴價，屬日本和牛高級品牌，地位與「松阪牛」和「神戶牛」比肩。在日文遊戲的世界，「佐賀牛」三個字，係代表肉質上最高檔的5級、或是4級中瘦肉間脂肪較多的品種，即使同樣嘅肉，低於上述級別的牛肉則稱為「佐賀產和牛」以明確區別，千祈唔好認錯。

佐賀縣政府和當地農協（JA）佐賀在佐賀縣內直接經營，專門提供的佐賀牛料理的餐廳「季樂」，基本上就係食佐賀牛嘅基地，深受外國遊客歡迎。