【黑松露產區】超越意法的澳洲黑松露

文：MenClub William
POSTED ON 31 Aug 2017

黑松露一向都係名貴食材，因為生長條件苛刻，產量稀少，其獨有香氣難以形容，卻有神奇嘅化學作用令菜式味道頓變，宛如黃袍加身。正當你以為上好的黑松露總來自法國、意大利等松露大戶，但原來世界最大嘅黑松露生產商，係澳洲嘅The Truffle & Wine Company。

眾所週知，黑松露呢款高級食材，本來都係以法國同意大利兩大產地為主，其他仲有中國（順帶一提，中國係全世界最大嘅，約佔60%，產量高，但質量普遍只能作為醬料類嘅副產品。）、英國、美國（用緊由菇菌博士Dr. Paul Thomas主導嘅種植法），仲有新興地區澳洲同塔斯曼尼亞，當中澳洲西南部地區培植嘅出品質素最高，尤其是不可不提當地嘅The Truffle & Wine Company。
位於澳洲西部嘅Manjimup，The Truffle & Wine Company嘅創辦人Alf Salter，早喺1997年成立公司，開始種植榛子樹和橡樹，然後喺樹根注入黑松露菌苗培植黑松露。2003年，一顆重160克嘅黑松露誕生，成為全球佳話。

然後，T&W繼續大力開發黑松露栽培，發展40公里地，種植13,000棵橡樹同榛樹黎栽培黑松露，成為世界上產量數一數二最高嘅黑松露栽培者，產量接近7000公斤，比起早期約1000公斤的年產量，產量數字令人吃驚。

黑松露嘅產期是每年11月到3月，但係澳洲嘅冬天，啱啱就係歐洲、亞洲嘅夏天，對全年都要供應黑松露嘅各地高級餐廳，自然就成為佢地嘅客人，呢個又成為咗澳洲黑松露得天獨厚嘅優勢。巴黎、紐約、上海等地嘅餐廳，甚至係香港嘅8 ½ Otto e Mezzo BOMBANA，都有大手使用，所以真係要認識下。