【淨化海鮮】TABLE推出牛肉「品鑒地圖」

文：MenClub William
POSTED ON 19 Jul 2017

「淨化海鮮」，我諗你一定有聽過，上環嘅TABLE仲係香港首間推行「活海鮮淨化」嘅餐廳，不過TABLE 啱啱出嘅全新Menu，主題竟然唔關海鮮事，反而係食牛？

首先解釋返，咩叫「淨化海鮮」？非冰鮮嘅海鮮，經長途飛行運送，會因脫水而狀態欠佳，仲會將排洩物滯留體內，滋生細菌。而「淨化海鮮」就係一個程序，喺餐廳內置淨化魚缸，不但能模擬海洋生態，也有特調鹽水淨化海鮮，需時平均72小時就可讓海鮮自動排走體內廢物，回復最乾淨、健康的模樣。TABLE是香港首家推行嘅餐廳。
TABLE 嘅創辦人兼總廚Sandy，一向都寓食於學，除咗推廣「淨化海鮮」嘅概念，最近又推出「TABLE 品鑒地圖」系列，一口氣呈獻來自世界各地的精選牛肉，包括韓國、日本、法國及美國，當然仲有本地牛肉，根據牛肉嘅產地、食材特性，而挑選最好嘅處理方法。

正常都好少機會俾你同時間食到唔同國家嘅牛肉，廚師手藝都係令人期待，而且Sandy更會親自講解牛肉的特性，真心學到嘢。接下來仲有「龍蝦」及「可食用鳥類」主題，亦已計劃於接下來嘅月份先後登場。

第一道菜是法式生牛肉薄片，用上法國東北部洛林Polmard家族出產的布藍地肉牛（Blonde d'Aquitaine），堪稱牛肉界的貴族。它們以草飼養，並以人道方法宰殺，保持肉質柔軟。牛肉拍成薄片後，只以特級初榨橄欖油調味，無鹽無胡椒，食出最原始的牛味。

主菜俾食客同時吃到3款產地不同嘅牛肉，包括烤本地肥牛、油花滿溢嘅日本和牛及美國Prime級西冷牛扒。當中本地的山東騸牯牛肉，俗稱「肥牛」，牛味濃郁，因此多年以來都是本地火鍋店的寵兒，不過以炭烤方式料理，絕對少見。

美國Prime級牛小排燴九年意式陳米飯，屬主菜之一，slow cook過的牛小排極軟嫩，近乎入口即溶。
緊接上場的「肉眼扒二重奏」，包括韓國1++級肉眼扒及美國Prime級肉眼扒，肉色、油花及質感各有千秋。前者屬韓牛最高級別，以草及穀物混合飼養，豐滿的油花，質素媲美美國穀飼牛肉。 TABLE 地址：上環文咸東街22-26號柏廷坊8樓電話：2815 2367 價錢：$900／位，最少六位起，另加$400 Wine Pairing，由即日起供應至9月30日，設加一。