【添好運敗走馬拉】原因係無人食豬肉？

文：MenClub William
POSTED ON 18 Jul 2017

香港平民米芝蓮點心店添好運，依家已經係國際品牌，全球超過40間分店，上年先係美國紐約開第45間分店，不過近日就關閉咗馬來西亞嘅2間分店，老細就話馬拉店嘅失利，係因為回教徒？


早喺2014年添好運已經登陸馬來西亞，當時當然係威係勢，不過根據報導就話單喺上年，當地分店已經蝕咗過百萬，而老闆麥桂培就認為，食店失利，歸咎於馬來西亞人當中嘅大多數，回教徒嘅飲食習慣。回教徒唔食豬肉，視之不潔，犯禁大忌，然後你諗下添好運嘅名物係咩？「雪山叉燒包」，而點心嘅用料，十之八九有豬肉份，又真係幾瀨嘢嘅。



不過就咁，喺麥師傅怪人嘅同時，當地喺飲食記者都有嘢講，就話：「添好運價錢真係太貴，但食物質素只係麻麻，口味亦唔算好地道，但服務就......」話晒品牌衝出咗亞洲，甚至登陸埋紐約，都叫國際級，相信唔會咁容易接埋嘅，但將自己餐廳不足，轉移視線，咁嘅藉口就咪鬼用啦，因為添好運係悉尼嘅分店，今個月都啱啱執咗....但就無講唔食豬肉呢個原因囉。