{ SKIP }
文:MenClub 魏文青  
POSTED ON 21 Feb 2018
對Jennifer Lawrence個身體…咳嗯,I mean套新戲《Red Sparrow》(中譯《紅雀特工》)有興趣嘅Fans們,應該都好期待3月1日電影上映當日即刻入場睇真啲。問題係J.Law對上兩套作品《Passenger》同《Mother!》都被評為「伏作」,今次演俄羅斯性感特務又信唔信得過?大家或者可以參考外國影評——佢哋仲講咗個吸引大家入場嘅理由出黎添。
例如英國《衛報》嘅評論就坦言《Red Sparrow》絕對冇J.Law過去幾部電影咁差,但同時又未必係一套好電影。其中一個最主要嘅批評就係導演Francis Lawrence一方面加入相當多大膽露骨嘅性愛(及性暗示)場口,但其他部份就相當保守,於是觀眾就喺「野性」於「保守」之間反覆來回,情緒難以一致。雖然睇Trailer都知一定有J.Law以身體引誘男人嘅場面,但所謂「大膽露骨」究竟又有幾「大膽露骨」呢?據報當中包括強暴、暗示亂倫、虐待等埸口,甚至仲有J.Law正面全裸嘅畫面,難怪香港上映時會將其分為三級啦。

今次都唔係J.Law第一次拍性愛場面,於《Passenger》時佢就已經同Chris Patt拍過一次,當時佢仲話要灌醉自己先夠膽上場,不過睇黎今次佢就拍得相當舒服。早前接受電視節目《Entertainment Tonight》訪問時仲話,因為拍攝時大家令佢太安心,於是拍攝裸體畫面時佢就唔著浴袍全身赤裸周圍走,「我唔想著件袍,因為我熱,因為我食緊嘢」,結果反而係工作人員感到不安——咁緊係啦,大姐你呢副身材唔著衫四圍走,你叫啲男工作人員如何企直個人呢?

如果大家係想睇套好戲,不妨睇埋《衛報》嘅評論先決定入唔入場;但如果你J求…追求嘅係欣賞J.Law嘅美態,咁睇黎你就準備定紙巾入場都得啦——抹鼻血呀。
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024
時下年輕人觀念開放,隨便打開個IG碌兩碌,都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本,其實都有較為保守嘅女仔。好似今晚要介紹嘅呢位「吉田伶香」咁,佢人生 ...
girls
【深夜】人生初比堅尼 「吉田伶香」處女寫真二連發
25 Mar 2024