{ SKIP }
文:MenClub 魏文青  
POSTED ON 10 Feb 2018
講起日本靚女,石原里美絕對係站在頂點嘅其中一人,而佢同「山P」山下智久疑幻疑真嘅緋聞更加令唔少Fans確信佢哋就係一對金童玉女,上年仲傳出會閃婚。點知近日山P就同有「日本第一美女」之稱嘅丹羽仁希(Niki)傳出緋聞,喂啲女你溝哂啦!

咁究竟呢位擊敗石原嘅女仔係咩人?Niki今年21歲,比起石原年輕足足十年,身為美日混血兒嘅佢於2014年時參加Tokyo Girls Audition,於20000人中脫穎而出成為「模特兒賞」得主,之後成為《JELLY》雜誌嘅專屬模特兒,後來出演Netfix都有得播嘅真人騷《排屋公寓(TERRACE HOUSE ALOHA STATE)》,於是連外國Fans都留意到佢,更成為2017 TC Chandler 百大美女之一(排名84,石原排名34)。 上年夏天為手機遊戲拍攝廣告,一身火紅比堅尼上陣又令日本都驚奇佢係咩人。簡而言之就係近日炙手可熱嘅人氣美女。
咁佢又係點同山P搭上嘅呢?據日媒報導二人係因為朋友介紹而認識,因為山P鍾意學英文,又都鍾意滑浪,所以二人一拍即合。二人更於一月下旬時同遊夏威夷一星期,所以傳出緋聞。事後Nike嘅經理人公司指二人的確係好朋友,但私人事就交畀藝人自己處理喎。

令到件事更加峰迴路轉嘅係山P同石原由上年開始就已經傳會結婚(雖然同時又有幾次傳聞佢哋分咗手),今次同Niki傳出緋聞後又有報導指山P繼續出入石原屋企,惹來一腳踏兩船之疑。石原嘅Fans亦湧入Niki嘅IG指責佢搶人男友,又話石原靚過佢好多。但亦有日本網民指Niki年輕貌美,讚山P識揀。不過無論係山P同石原,定係山P同Niki目前其實都只係捕風捉影,究竟三人關係如何真係得佢先知。我淨係想同山P講一句,無論你揀邊個我都支持你——你唔要嗰畀咗我就得架啦,唔該。
__niki22 on Instagram
佢同之前介紹過嘅Sofia邊個正啲?
girls
丹爺的新寵? Hannah Palmer
24 Sep 2018
得到兩大男士雜誌認證——過埋今晚就係三大啦!
girls
靚絕俄羅斯 全年最靚Kotyakotyara
22 Sep 2018