{ SKIP }
文:MenClub 魏文青  
POSTED ON 18 Jan 2018
美國總統特朗普(「侵侵」)由參選到當選以來,幾乎每日都處於國際新聞嘅風尖浪口,差在究竟係國際版定娛樂版咁解。近日佢又有一單醜聞被爆出,就係原來佢喺2006年太太Melania陀住細仔Barron期間,曾經「偷食」美國AV女星「Stormy Daniels」!
點解十幾年前嘅嘢依家會拎返出黎講呢?話說近日《華爾街日報》報導指,當年仲係生意人兼《The Apprentice》主持人嘅「侵侵」曾經向Daniels 付出13萬美金「掩口費」,叫佢要將所有嘢保密。點知另一媒體《In Touch》就發現原來2011年Daniels喺一個專訪中曾經頗為仔細地描述當年發生嘅事,甚至當場通過埋測謊機測試。於是近日又將當年嘅訪問重新發佈。

據Daniels當年所講,佢同「侵侵」係於2006年一個名人高爾夫球賽中認識,當時「侵侵」已經牛咁眼望住佢,後來更加同坐一架高爾夫球車進行比賽。之後更加去到Daniels開辦嘅成人影片公司與其會面再交換電話。同日「侵侵」就已經約Daniels去酒店晚飯,但上到房之後就發現「侵侵」身穿睡褲瞓喺梳化睇緊電視。雖然兩人都有喺房內食飯,但飯後Daniel去完洗手間出黎,就見到「侵侵」瞓咗上床仲叫佢埋去,於是二人就開始親熱。

Daniels指其實都唔知自己點解當時要咁做,淨係心諗「千祁唔好畀錢我」。而對於「侵侵」喺床上嘅表現,佢就話係「如教科書一般的普通」。事後二人於共處咗一陣,Daniels指「侵侵」不停講「我會打畀你,我會打畀你,我想再見到你,你太棒了。我們要把你弄上《The Apprentice》。而呢次之後二人亦有其他會面,包括一次於「侵侵」旗下嘅比華利山酒店中嘅私人房間。

而近日事情發生後,「侵侵」嘅私人律師亦已經「嚴正地」否認「侵侵」與Daniels有發生任何嘢,「侵侵」本人亦未有就此事發表任何言論,或者Twitter推文。咁你話呢單嘢會唔會同當年「萊溫斯基醜聞」成為拉下美國總統嘅理由?我睇就唔會啦,一來件事發生於「侵侵」做總統之前,二來呢個係「侵侵」嘛。
InTouch
世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022