{ SKIP }
文:MenClub Mean娜  圖:互聯網
POSTED ON 02 Nov 2017
老老竇竇,作為女人都深感認同韓劇毒害人心,裡面嘅男主角全部都有錢靚仔又有型,仲要鬼咁專一唔花心兼夾溫柔體貼,到後期仲要玩到識超能力讀心術瞬間轉移乜乜乜,試問普通嘅地球男人又點可能做得到?!呢一切真係純屬FF,基本上唔會有咁嘅人設存在,撇除有錢人同外星人,女人心目中嘅「完美男人」,又要溫柔得嚟強勢;又要大男人得黎聽話;又要口甜舌滑得嚟有安全感,完全係由根本開始自相矛盾,醒下啦!!呢個世界冇咁矛盾嘅人類架!

溫柔得嚟強勢

好多女仔都偏好有點強勢嘅男人,覺得呢種硬淨嘅態度好Man好吸引人,不過奈何強勢嘅男性大多數都好硬派,唔慣溫柔對人,亦都唔識去處理女性情緒;相反溫柔嘅男人就事事以對方為先,唔敢做好強勢嘅舉動,怕失敗又或者嚇親對方。除非係經過長期「調教」嘅男人,先會識得如何拿捏溫柔同強勢嘅比重,不過經驗咁豐富嘅男士,女士們又放唔放心同佢一齊先?


直率得嚟顧人感受
成日聽到啲人講嘢Hurt完人之後,一句︰「我講嘢係咁直架喇!」就大晒完場。無錯,直率嘅人感覺上易相處啲,又唔會婆婆媽媽,想點就點,好似好有性格又好開朗咁,非常得人鍾意。不過同時直率嘅人都會太忠於自己,唔太識得顧及他人感受,佢可以好直接話你知佢好愛你,但同時可以好直接話你知你好難頂,咁唔識睇女朋友眉頭眼額嘅男朋友,女人們又受唔受到先?


口甜舌滑得嚟有安全感
係人都鍾意畀人讚,聽到對方成日對自己講Sweet到爆嘅說話當然開心,但要知道好多時咁識氹人嘅男仔同時都好識氹其他女仔,就算佢唔係有心氹其他女仔,慣性讚美別人嘅佢,都特別容易吸引到異性。又要Sweet又要有安全感?睇劇實有架。


大男人得嚟聽教聽話
人係自私嘅,作為女人,梗係想有人照顧自己、保護自己,幫自己安排晒一切唔使煩,搵個大男人照住一世實冇死,但大男人同時又會有較強控制欲,如果想對方照顧晒自己,但又調轉頭想對方聽晒自己話,可以任擺龍門任調教,真係諗都唔好諗。


浪漫得嚟贛直
好多女仔都覺得贛直嘅男仔傻更更好得意,而且感覺一定會專心一意對自己,唔會出軌唔會花心,但最爆係女女同時希望呢位贛直男會做啲好L浪漫嘅事情,其實兩件事都幾背道而馳,通常就係因為仔條贛99生勾勾唔識做浪漫嘢,先畀人老實安心嘅感覺,到有一日佢識好多冧女方法,就應該要留意佢係咪已經升級變咗做偽毒。

世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022