{ SKIP }
文:MenClub Mean娜  圖:互聯網
POSTED ON 10 Sep 2017
冨樫休刊休到出晒名,唔係腰痛就取材,一係就冇靈感或者要去旅行,總之就藉口多多,但Fans們都知道條Hihi 9成9都係因為掛住打機先唔做嘢!事實又係點呢?!最近冨樫嘅前助手味野くにお就發行一本名為《先生白書》嘅新書,踢爆冨樫嘅「休刊之謎」!


味野くにお當年被派去冨樫屋企做助手時,冨樫仲畫緊《幽遊白書》,未算係當紅炸子雞。味野くにお仲好記得第一次見冨樫,佢仲好親切咁特登去車站迎接自己。


味野くにお第一眼見冨樫,見佢一臉倦容,十足三十幾歲嘅漫畫家,點知冨樫話佢知,佢(當年)只得24歲!


到咗冨樫屋企之後,佢就發覺冨樫原來就咁直接將工作枱放喺廚房隔離,一啲都唔似正路嘅漫畫家工作室!


重點嚟喇!究竟點解冨樫成日話腰痛乜乜柒柒呢?味野くにお就話,冨樫成Q日都側瞓喺地下,挨住抱枕打機,要係咁提佢,佢先肯乖乖地返上位繼續做嘢……


試諗下,N年前冨樫已經用啲咁衰嘅姿勢打成日機,畫緊《幽遊白書》已經有腰痛,更何況到今時今日,腰痛根本係自己攞黎衰!打還打,坐好少少咪冇咁易腰痛囉!


可能因為《銀魂》真人版電影同劇集收視都非常好,所以再一次帶起《銀魂》熱潮,於是決定10月1日深夜再開《銀魂》動畫「ポロリ篇」!
gags
《銀魂》日常強勢回歸!10月1日深夜放送!
21 Sep 2017
有趣還有趣,但有幾多巴打真係接受到條女由頭綠到落腳趾尾丫?
gags
異色肌辣妹x和服 宣揚全新可愛定義
20 Sep 2017