{ SKIP }
文:MenClub Mean娜  圖:互聯網
POSTED ON 07 Sep 2017

最近喺Facebook不停見朋友Share一條片,係日本學生喺天台大大聲同心儀嘅女同學表白,真係青春熱血到一個點!作為花生友,大大粒花生喺面前就梗係睇見都過癮,不過被表白嘅人又點諗先?有啲就好開心大嗌回應返,但都有囡囡一聽到自己個名就一臉尷尬頭耷耷,咁究竟咁高調地表白多唔多女仔Buy呢?


雖則話只要對方冧自己,咩表白方式都冇問題,但好多時大家仲猶豫緊要唔要一齊時,你嘅表白方法打唔打動到對方就係最重要嘅關鍵!話就話「咸魚白菜,各有喜好」表白方式都係因人而異,但其實都有得做下統計,睇下大多數女女最唔接受人哋點樣表白嘅。雖然以下數據係日本網站goo Ranking 做嘅調查,基本上都係針對返日本女女,唔知適唔適用於香港女女,但作為參考,應該都ok嘅!



10. 被三五識七嘅陌生人表白
學生時代比較多呢種情況,其他學校嘅人會向心儀嘅他校女學生表白,話留意咗好耐之類,好鍾意對方乜乜乜,但其實喺完全唔知對方係咩人嘅情況下,係驚多於喜嘅……


9. 喺電視節目中被表白
雖然呢個情況好似少啲機會發生,即是咁,首先你要上咗電視仲有機會畀你出聲先可以實現,但其實節見一出咗街,就會成為朋友間茶餘飯後嘅話題,係有啲尷尬同困擾。


8. 長時間等待表白,仲等到感冒
一直喺自己身邊默默等待向自己告白,唔單只令人有種壓迫感,仲要搞到等到感冒,令人良心好過意唔去,仲邊有心情理你個表白呢?


7. 遊車河時表白仲要被警察Check
(究竟遊車河表白時做咗啲咩先會被警察Check咁柒……)


6. 表白時講︰「希望你可以同我生BB」
其實意思可能……或者……係以結婚為前提,不過表達上有啲問題啫……但其實拖都未同你拍就咁講,真係幾令人無言。


5. 玩懲罰遊戲時表白
冇誠意唔浪漫之餘,對被表白嘅人而言,都好似係一種懲罰……


4. 搞錯表白對象
(真係唔明點先會搞錯表白對象?!)


3. 表白時講錯名
連名都可以講錯,有幾鍾意先?!不過……可能對方只係太緊張,但7咗就係7咗……


2. 叫媽媽幫手表白
(真心唔知而家啲怪獸家長會唔會做到呢個地步。)


1. 自己作歌表白
嗱嗱嗱!呢個真係估唔到,應該唔少男仔覺得自己寫歌表白好型好浪漫,但原來佢係最難以接受嘅表白方式第一位!


今次嘅題目就係︰「假如以下4個囡囡姣媾你,你會揀邊個?」例牌呢啲票選都會引起網民熱話,而呢4條囡囡又各有特色,真係可以拗餐飽!
gags
日本網民拗餐飽 又嚟票選4揀1
20 Nov 2017
雖然話就話人與人之間嘅相處係非常之感性,但其實科學理據一樣可以套用喺兩性關係上,以下就有多個經由科學研究認證所得嘅媾女加分方法!
gags
科學認證 有根有據的媾女加分大法
20 Nov 2017