{ SKIP }
文:MenClub 魏文青  
POSTED ON 10 Sep 2017
每晚寫完深夜系列,我都會留意下有幾多人睇、幾多人Like、幾多人留Comment。而我留意到有時就算某一篇文好多人睇,佢嘅like或者Comment數目都可以不符比例地低,事關好多男人都怕Like完比老婆朋友同事上司見到,會被人Cap出黎笑。但其實男人Like一個靚女Post,甚至只係一張靚女相,又點解會係「唔啱」嘅事?如果真被女朋友捉到,你又可以點解釋?


首先要問嘅係,點解我哋要「Like」一個靚女?如果我哋只係想睇、想解決某方面嘅需要,我哋完全唔需要「Like」;就算當你想留個紀錄之後繼續J看,你都可以Follow、可以Bookmark、甚至可以Cap圖,根本就唔需要Like。換言之一個「Like」完全係當下嘅需要:你好鍾意呢個女仔、呢張相、呢件泳衣呢個甫士,鍾意到你要話畀人知你鍾意。


而呢個基本上係男人嘅本能:欣賞性感嘅女性。傳宗接代、用盡所有方法令自己嘅基因得以傳承落去乃係動物嘅本能,呢個本能令男人對適合生育、擁有良好基因嘅異性極有興趣。而網上靚女嘅美貌、身材,正正就係良好基因嘅表徵。所以男人對靚女有興趣,係本能。但點解有興趣到要Like呢?點解要話畀人知你鍾意?準確啲嘅問法,或者係「究竟想邊個知我鍾意呢個女仔」。可能係個女仔本身,畢竟能夠吸引到美女注意永遠係一種成就;或者係朋友,證明我對女仔嘅眼光相當有Taste。但最有可能嘅原因,其實係我哋男人,根本冇諗咁多。


我哋根本就冇去諗點解,我哋淨係知道個女仔值得我哋輕輕移動手指、連按兩次。我哋亦唔覺得自己嘅Like稀罕到要有什麼交情、什麼淵源先值得畀出去。我哋就係真心哋「鍾意」呢個女仔、呢張相、呢件泳衣呢個甫士,就係咁簡單。所以如果下次你Like 深夜系列被女朋友發現,唔需要驚慌、唔需要內疚,就用最真摰嘅眼神同佢講「對唔住,我下次唔敢。」就得架啦。




世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022